→ كل الوصفات

محشى مشكل كوسة وبتنجان وفلفل

#مطبخ_تيا

  • كيلو بتنجان
  • كوسة
  • نص فلفل
  • الكمية حسب عدد افراد الاسرة
  • بصلتين مبشورين
  • كيلو ونص طماطم
  • توابل
  • ملح
  • فلفل
  • بابريكا
  • كمون
  • خضرة المحشى رابطة من كل حاجة منهم:
  • شبت
  • بقدونس
  • كسبرة
  • كيلو رز مغسول ومتنقى
  1. فى حلة هنشوح البصلتين المفرومين فى زيت ذرة وبعد مانضرب الطماطم فى الخلاط ننزل بيها على البصل المفروم وبعدين ننزل بالتوابل ملح وفلفل وكمون وبابريكا بتدى لوون احمر اوى للصلصة وبعد مالصلصة تتسيك بناخد شوية منها فى طبق
  2. بنقور الكوسة والبتنجان ونغسلهم كويس ومعاهم الفلفل الاخضر
  3. بنغسل الخضرة كويس وبننقعها فى شوية ماية بخل حوالى ٥ دقايق كدا وبعدين نغسلها ودى طريقتى فى تقطيع الخضرة بمخرطة الملوخية بتسهل عليا كتير بصراحة وبتفرمها خالص
  4. بعد مابنغسل الرز كويس بننزل بيه على الصلصة وبنظبط التوابل بتاعتنا ونقلب كله مع بعضة كويس وبعديها بننزل بالخضرة
  5. فى ارض الحلة الى هنحشى هنفرد الحشو الى هيطلع من الكوسة ونبتدى نحشى الكوسة والبتنجان والفلفل ونقفهم بالطول فى الحلة او حسب ماانتى تحبى وبعدين بننزل بأى شربة متوفرة عندك بتغليها وتظبطى التوابل وتنزلى بيها ع المحشى لغاية ربع الحلة كدا واذا مش متوفر عندك شوربة بتجيبى حلة وتنزلى فيها بشوية ماية ومكعبين مرق وشوية ملح وفلفل وكمون وبابريكا وقلبيهم كويس ومجرد ماتغلى انزلى بيها على المحشى
  6. بالنسبة لحبة الصلصة الى اخدناهم فى جمب بقوم واخداهم وافردهم فوق وش حلة المحشى بعد مابظبط شوربتها بتدى طعم ولون جميل وبالف هنا 😋😋
عجبتك الوصفة؟
شوف كل وصفاتنا في مكان واحد
كل الوصفات →