→ كل الوصفات
طريقة عمل محشى ورق عنب 😋 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- ½ كيلو ورق عنب
- ¼ كيلو رز
- ½ كيلو طماطم وكيس صلصة
- بصلتين
- زيت وسمنة
- حزمة بقدونس وشبت وكسبرة
- ملح وفلفل
- بهارت محشى
- معلقة صغيرة سكر
- معلقة نعناع بودر
طريقة التحضير
- نكون سالقين ورق العنب فى ماية مغليه فيها ملح ورشة كمون وعصرة ليمون واطلع على ماية ساقعة واصفييه واغطية
- ومعلقتين سمنة على معلقتين زيت على النار يسخنوا انزل بالبصل المفروم عليه معلقة صغيرة فلفل اسود مع التقليب لونها يصفر انزل بمعلقة صغيرة هريسة شطة اختيارى مع التقليب
- ثم انزل بكيس صلصة مع التقليب ثم انزل بنص كيلو الطماطم المعصور ومتصفى وعليهم معلقة صغيرة سكر يغلى الخليط غلوتين وهدى النار مع التقليب حتى التسبيك اظبط الخليط ملح فلفل بهارت المحشى ومعلقة نعناع بودرة بيفرق فى الطعم
- اكون غاسلة الارز ومتصفى وغاسلة الخضرة ومقطعها
- واضيف الارز والخضرة على الصلصة تكون باردة وقلب
- واحشى ورق العنب على الناحية الخشنة وارصة فى حلة ارضيتها حلقات بصل وطماط او العيادان الخضرة
- وازود المحشي شوربة او ماية سخنة متدوب فيها معلقة صلصة ومكعب مرقة ومعلقة زيت ويكون الشوربة او الماية واصلين للصف اللى قبل الاخير واغطى الوش بطبق واقفل الغطا يغلى عشر دقايق ووطى عليه ساعة وبالهنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد