→ كل الوصفات
طريقة عمل محشى ورق عنب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو ورق عنب
- معلقتين سمن
- بصلة كبيرة
- 1 كيلو طماطم
- 1 حزمه من الشبت والكسبرة والبقدونس
- 2 كوب ارز
- 1/2 معلقة صغيرة فلفل اسود
- معلقة بهارات محشى
- معلقة كسبرة ناشفة
- ملح حسب الرغبة
- شطة حسب الرغبة
- شرائح ليمونة مقطعة
- شرائح جزر مقطع
- شرائح فلفل حار مقطع
طريقة التحضير
- بنغلى مياه وفيها نصف ليمونه ونسلق ورق العنب لحد ما لونه يبدأ يغير
- و نضرب البصلة فى الكبه ونحمرها فى السمن لحد متبدأ تصفر ونحط عليها الصلصة ونضيف البهارات عليها ونسيبها تتسبك وتتقل
- نغسل الرز ونصفيه من الميه ونضيفه للصلصة وهى سخنه ونقلبه فيها ونضيف الخضره بتاعتنا بعد مقطعناها ونسيب الخلطة تبرد
- بنفصل ورق العنب عن عيدانه ونرص فى حلة الليمونة الشرائح والجزر والفلفل ولو مش متاحين بنحط العيدان فى الحلة من تحت وبنبدأ نحشى ورق العنب
- بنضيف مرقة الدجاج مع ميه مغليه مع معلقتين صلصة ونشرب بيهم المحشى
- ونسيبه لحد ما يغلى ونهدى عليه النار (متوسطة) لحد ما يتم سواه وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد