→ كل الوصفات

محشي البصل

#التحدي_الذهبي #حملة_التشجير

  • كيلو بصلة متوسطة
  • كوب أرز مصري
  • 1/2 ك عصير طماطم
  • ربطة خضرة مشكلة
  • 2 فلفل اخضر شطة
  • قليل زيت
  • رشة نعناع ناشف
  • رشة كزبرة ناشفة
  • ملح
  • فلفل اسود
  • رشة كمون
  • 2 بصل, للحشو
  1. اقطع البصلة قطع صغيرة واشوحها مع الزيت لغاية ما تحمر شويةواضيف الفلفل الشطة و الكزبرة الناشفة ولو عندك بواقى لحمة فيها دهون محدش اكلها افرميها في الكبة وضيفيها مع البصلة بتدي غنا للطبق ثم اضيف عصير الطماطم والتوابل ملح وفلفل و وتترك تتسبك
  2. اشيل ٢ مغرفة من الصلصة على جنب والاقى اضيف الارز عليه ويقلب واهدى النار خالص لكى يشرب من الصلصة بس مش يستوي واضيف رشة الكمون ثم اطفى النار واضيف النعناع الناشف والخضرة وهى كزبرة خضراء وبقدونس وشبت مغسولين ومقطعين واضيف ٢ ملعقة زيت واقلب الارز كويس وبكدة الخلطة جاهزة
  3. في حلة على النار اضيف شوية ماء يغلى وابدأ اجهز البصل لو عندك بصل حجمة كبير او متوسط يبقى تمام نجيبها ونقطعها من فوق وتحت واعمل فيها خط من الجانب وانزلها في المياه لمدة دقيقة هتلاقيها بتتفك من بعضها بسهولة بس اوعى تتهرى منك ولو لقيتى الورقة لسة ناشفة نزليها ثاني في الماء علشان تطرى شوية وتتلف معاكى
  4. امسك كل ورقة بصل واضع جواها رز والفها عادي جداً وتسويها مع اي نوع محشي انتى عايزاة انا عملتها مع كرنب (ملفوف) وفاكرين الصلصة اللي شيلناها على جنب دى بضع منها بين طبقات المحشى وعلى الوجه كمان ثم انزل بشوية شوربة يغلى واهدى النار لغاية ما يستوي
  5. شايفين شكلة وهو ملفوف بيقى جميل ولما بنلفة على بعض بتكون البصلة كانك مقوراها وبتبقى محملة مش خفيفة والارز مش بيقع منها
  6. بالف هنا
عجبتك الوصفة؟
شوف كل وصفاتنا في مكان واحد
كل الوصفات →