→ كل الوصفات
#محشي #محشي_الكرنب #على_ذوقي
المقادير
- واحدة كرنب
- رشه فلفل اسود
- كمون
- فلفل اخضر متقطع
- شوربه سخنة ملحها مظبوط
- ملعقة صلصه أو ربع كوب عصير طماطم
- 5 اكواب رز مصري مغسول ومتصفي
- لتر عصير طماطم
- حزمتين شبت وزيهم بقدونس
- 1/2 ملعقه كبيره ملح وفلفل اسود
- كمون
- كزبره مطحونة
- بصله كبيره مفرومه أو متقطعة صغير
- معلقه سمن
- ربع كوب زيت
طريقة التحضير
- نبدا بتقطيع أوراق الكرنب من اول العروق وفصلها
- علي النار نضع حله ثلثينها ماء حتي تغلي نضيف ملعقه ملح ونص كمون ونقلب فيها ورق الكرنب لمده دقيقتين هدفنا ورق كرنب طري من غير قرمشه بس مش مهري ونطلعه يتصفي
- نشوح البصل في السمنه والزيت حتي يصفر ثم ننزل بالطماطم وباقي البهارات
- نقطع الخضره (الشبت والبقدونس) صغير ثم نخلطه علي الرز والتسبيكه
- نقطع أوراق الكرنب بنفس الحجم حوالي15*7سم نقوم نصف ملعقه تقريبا من خلطه الحشو ونلف
- نضع عروق الكرنب في قعر الحله للحمايه ونرص ورق الكرنب ونضع بينه حبات التوم..نخلط مكونات التسويه ونضيفها بحيث الشوربه يدوب تغطي اول طبقة من المحشي نرج الحله براحه عشان الشوربه توصل لغايه الاخر وبين الطبقات
- نحط الحله علي نار مناسبه لحجمها وتبقي متوسطه الاول بحيث نسيبه يغلي ربع ساعه وبعدين نوطي النار خالص كمان نص ساعه علي الاقل لنتأكد أنه استوي لما الرز يبقي طري والكرنب كمان يبقي سائح كده😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد