→ كل الوصفات

محشي الكرنب (الملفوف) 😋😋

#التحدي_الفضي

  • 1 كرنبة متوسطة
  • كيلو الا ربع أرز مصري
  • كوب عصير طماطم
  • 2 بصلة كبيرة
  • شبت
  • بقدونس
  • كزبرة
  • زيت
  • نعناع فريش أو ناشف
  • ملح
  • فلفل
  • كمون
  • كزبرة ناشفة
  • حبهان مطحون
  • شوربة فراخ
  1. هنقطع الكرنبة ونسلقها ونقطعها مربعات على قد صباع المحشي
  2. هنشوح البصل في الزيت وننزل بعصير الطماطم والتوابل ونسيبها تتسبك كويس
  3. هنغسل الرز ونصفيه ونقلبه مع التسبيكه وبعدين ننزل بالخضرة ونقلبها ومعاها ورقتين نعناع مفرومين
  4. هنجيب صينية ونحط فيها عودين نعناع وفوقهم ورق كرنب (ملفوف) اخضر مسلوق ونصبع المحشي ونرصة في الصينيه
  5. هنجيب الشوربة ونحط عليها معلقتين صلصة تسبيكة ونحطها على المحشي ونهز الصينيه عشان الشوربة تنزل المحشي من تحت ونحطه على النار يغلي وبعدين نخفف لحد اما يستوي
  6. هنسيبة يستهدي شويه ونقلبه في طبق التقديم وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →