→ كل الوصفات
طريقة عمل محشي الكرنب (الملفوف) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كرنبة وسط
- كوب رز مصري
- حزمة ونصف بقدونس
- حزمة ونصف كزبرة
- حزمة ونصف شبت
- 3 طماطم مضروبة في الخلاط
- 2 بصلة مبشورة
- 1 مكعب مرق لحم
- كمون وملح وفلفل اسمر
- 0.5 معلقه نعناع ناشف
- وصلصة طماطم
- وكمون
- وملح
- وفلفل اسمر
- و ماء مغلي حسب كميه الرز وكله على بعضه يقلب
طريقة التحضير
- في حلة على النار نضيف زيت ونحط عليه البصل المبشور ونخليه على النار لحد ما يذبل ونحط عليه الطماطم اامضروبة في الخلاط وعليها المرقة والفلفل الاسمر والكمون والملح ولحد ما تتسبك
- نكون فارمين الخضرا ونحط البقدونس والكزبرة والشبت المفرومين ومعاهم نص ملعقة النعناع ونقلبهم كلهم مع الصلصة
- نسيبهم من٢ او 3 دقائق ونطفي عليهم
- نجيب صينيه ونحط عليها الخلطة دي وكوب الرز المغسول المصفي ونقلبهم وتترك لتبرد
- نكون احنا قبل كده مقطعين الكرنبة بالطريقة المعتاده الخاصة بيكي ونسلقها في ماء مغليه فيها كمون
- ونقطعها قطع وسط ونجيب الحشوة ونحشي ونلف
- نجيب حلة ونحط في القاع ورق كرنب (ملفوف) مسلوق ونرص عليه الكرنب (الملفوف) المفوف
- نبشر طماطم ونحطها على الوجه ونحط خلطة السوي عليها وتبقي كده
- نشعل النار ونحط شياطة الرز وعليها الحلة ونعطي عليها ونوط لحد السوي وبالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد