→ كل الوصفات

محشي الكرنب او الملفوف المصري باللحمه ولا اروووع من كده 😋😋😋

#اطباق_رمضان #المصور_الذهبي

  • 1/2 كيلو لحمة موزه
  • حبه كرنب (ملفوف) متوسطه الحجم
  • 3 كوب ارز مصري
  • 3 حبات بصل
  • 3 حبات طماطم مكعبات صغيرة
  • 2 كوب عصير طماطم ومعلقه معجون طماطم
  • 1/2 كوب بقدونس مفروم
  • 1/2 كوب شبت مفروم
  • 1/2 كوب كزبره مفرومه
  • 2 فص حبهان
  • ملح وفلفل اسود
  • معلقه صغيره شطه حاره اختياري
  • معلقه صغيره بهارات مشكله
  • معلقه صغيره كزبره ناشفه
  • مكعب مرقه
  • 1/4 كوب زيت ومعلقتين زبده
  • حبه طماطم شرائح
  • حبه بصل شرائح
  1. نغسل الكرنب (الملفوف) بالماء ونقطع الكرنب (الملفوف) مربعات حجم اللف
  2. توضع حله على النار بها ماء لسلق الكرنب (الملفوف) وملح وربع ملعقة كمون حتى تغلي وتسلق الكرنب (الملفوف) نص سلقه ونتركها حتى تبرد
  3. نحضر الخلطه في وعاء على النار نضع نص كميه الزيت حتى يسخن وننزل بالبصل عليه ونقلبه حتى يذبل ويصفر وبعدين ننزل عليه بعصير الطماطم ونتركه يغلي حتى تتسبك الصلصة
  4. نغسل الارز ونضعه على الصلصة وهي ساخنه ونقلبه ونضع عليه البصل المبشور والطماطم المقطعه والتوابل والبقدونس والشبت والكزبره ونقلب الخلطه جيداً ونضع عليها كميه الزيت المتبقيه ونقلب الخلطه ومكعب المرقه نضعه مع الخلطه
  5. نحضر الحله الا هانحشي فيها ونضع الاول شرائح البصل والطماطم ومكعبات اللحمة ونرش فلفل على اللحمة ونبدا نحشي الورق ونرصه
  6. نحضر مرقه الطهو. ثلاثه ونص كوب ماء على النار وعليه ملعقة معجون طماطم ونص ملعقة بهار ومعلقه صغيرة ملح حتى يغلي
  7. نضع طبق ثقيل على المحشي وننزل بالمرقه ومعلقتين الزبدة ويوضع على نار وسط حتى يشرب المرقه ونهدي النار لمده ساعة على نار هاديه ونتركه ٢٠ دقيقه لما نطفي النار يهدي وبعدين نغرف وبألف هنا بقى
عجبتك الوصفة؟
شوف كل وصفاتنا في مكان واحد
كل الوصفات →