→ كل الوصفات
#اكلات_شاطئ وصفات الشواطئ عند المصريين🇪🇬 اهم الاكلات هى المحاشى وخصوصا الكرنب مافيش بيت مبيعملش المحش على البحر ومعه الدجاج المتبل المشوى او صنية البشاميل باللحمة المفرومة ووصفة المحشى هنا بكل تكاتة من الالف الى الياء لكل المبتدئين للبنات المقبلة على الزواج( المحشى وخلطتة الطعمة هى اهم شئ لنجاح المحشى) لازم الخلطة تكون كلها محبشةو متسبكة ومنكهة بالبهارات عشان تعجب الاهل والأصحاب اتمنا لكم الافادة إنشاء الله.
المقادير
- كرنبة حجم كبير جدا
- مقادير سلق الكرنب👇
- ماء
- ملح
- كمون
- زيت
- مقادير الحشوة👇
- 1/2 كيلو لحم مطبوخ (كباب حلة)
- 3 حبة بصل كبيرة
- راس ثوم مفروم
- 2 كوب خضار محشى مشكل
- كيلو ونصف ارز مصرى مغسول
- حبة فلفل الوان أصفر وأحمر
- معلقة كبيرة سمنة بلدى
- 3 ملاعق كبيرة زيت نباتى
- معلقة كبيرة ملح
- معلقة كبيرة كمون
- معلقة كبيرة بهارات لحمه
- معلقة كبيرة نعناع جاف
- معلقة كبيرة كسبرة جافة
- معلقة كبيرة فلفل اسود
- معلقة صغيرة بابريكا
- معلقة صغيرة قرفة
- معلقة صغيرة شطة
- 2 مكعب مرقة دجاج
- 2 كيلو طماطم متسبكة
- مقادير تغطية المحشى 👇
- ماء
- 4 مكعب مرقة دجاج
- كوب طماطم متسبكة
- ورق لورا
- معلقة صغيرة كمون
- معلقة صغيرة نعناع جاف
- 2 معلقة زيت زيتون للوجة
طريقة التحضير
- نضع مكونات السلق فى حلة ونتركها حتى الغليان نحضر الكرنب بعد تقطيعة بالطريقة لكل واحد فينا يفصلها وتكون اسهل له
- عند غليان الماء نضع الكرنب لمدة ثوانى لو الورق رقيق لكن لو الورق سميك نتركة اكثر شوية ونقوم بإخراج الورق من الحلة ووضعة فى مصفاة لحد نفاذ الكمية نقوم بسلق عروق الورق اخر حاجة ونقطعها نصفين بالطول بعد السلق
- نحضر الخلطة السحرية للمحشى نبشر البصل ونقوم بوضع السمن والزيت ونشوح البصل والثوم قليلا ونضع الفلفل الملون المقطع مكعبات صغيرة جدا مع البصل والثوم ونتركهم يذبلوا قليلا نقوم بوضع لحمة الكباب الحلة المطبوخة مسبقا بتقطعها قطع صغيرة جدا ووضعها فوق الخلطة ممكن استبدالها باللحمة مشوية او متبلة كانت مطبوخة مسبقا طعم اللحوم المتبلة المطبوخة بتفرق جدا فى طعم المحشى والمحشى من الأكلات الشعبية المصرية الاقتصادية المشبعة وبيكفى عدد كبير من الأفراد
- نقوم بوضع الطماطم المتسبكة مسبقا فوق خليط اللحم والبصل والثوم وفلفل الالوان نضع مرقة الدجاج وجميع البهارات الخاصة بالخلطة ونتركها تغلى غلوة عشان جميع المكونات تنسجم وتعطينى الطعم المميز لخلطة المحشى وبعد ذلك فى الآخر نضع الخضروات (البقدونس والشبت والكسبرة الخضراء) فوق الخلطة ونقلب ونغلق النار على طول
- الخطوة الاخيرة فى الخلطة نغسل الارز جيدا ونضعة فوق الخلطة الجميلة ونقلبهم جيدا مع بعض حتى الامتزاج جيدا هنا اصبحت الحشوة جاهزة لحشو ورق الكرنب او اى نوع حشوة من جميع انواع المحاشى
- نحضر حلة طبخ المحشى ونضع فيها العروق المسلوقة فى قاع الحلة عشاز المحشى ميتحرقش مننا نبدا فى حشو ورق المحشى صوابع صغيرة عشان الشكل يكون حلو ويفتح النفس و نرصة رصة الشمس بالطول عشان ميبفكش مننا مع النضج
- بعد نهاية حشو ورق الكرنب كلة نحضر مرقة المحشى
- نضع حلة بيها ماء على النار و نضع مكعبات مرقة الدجاج والبهار ات وكوب الطماطم المتسبكة ونتركهم يغلو جدا جدا
- نسقى حلة المحشى بالشوربة لغاية علامة الفطاء ونغطيعا بمصفاة عشان منبهدلش البوتجاز
- يترك المحشى على نار عالية لغاية لما كل الماء لفى المحشى تتشرب نبدأ نهدي النار خالص زى الأرز وهو بيستوى ونتركة لغاية النضج
- الخطوة الاخيرة : نحضر مقلاى صغيرة ونضع معلقتين زيت زيتون او زيت نباتى ونقوم بتسخنهم على النار ونضعهم فوق المحشى عشان يعطية لمعة حلوة وطعم أجمل بالمصرى نقول (نقدح للمحشى)
- احلى فراخ متبلة تتاكل مع المحاشى
- الدجاج المتبل وصفة على الصفحة الوصفة دجاج متبل بالزبادى والثوم والليمون
- وصفات مصرية للمصيف جميلة جدا ومشبعة وتتاكل سخن وبارد
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد