→ كل الوصفات
اهداء الى امي الحبيبه ربنا يخليكي ليا واشوفك دايما مبسوطه وبابا كمان اول حاجه اتعملتها منك المحشي ومن اول مرة الكل بيحب ياكلوا من ايدي الحمدلله♥️ #لحبيبة_امي #سفرة_دايمة #عمايل_ايديا #الشيف_الذهبي #الكبير_اوي
المقادير
- 1/2 كوب زيت وم ك سمنة (ممكن نكتفي بزيت بس)
- بصلة كبيرة مفرومة
- 2 كوب عصير طماطم
- م ك صلصة
- كوب بقدونس وشبت وكزبرة مفرومين
- 2 كوب رز
- م ص ملح
- 1/2 م ص شطة
- رشه نعناع مجفف
- رشه قرفة
- 1 كرنب متوسطه الحجم
- ماء كافي للسلق
- م ص كمون
- رشه ملح
- 1 كرنب متوسطه الحجم
- خلطة الرز اللي عملناها فوق
- 1/2 كوب زيت
- 1/2 كوب عصير طماطم
- 1/2 كوب مرقة
- 1/2 كيلو من باذنجان و1/2 كيلو فلفل رومي اخضر منزوع البذور
- خلطة الرز اللي عملناه فوق
- حلقات بصلة
- حلقات حبة طماطم واحده
- حلقات فلفل رومي
- حلقات بطاطس
- كوب مرقه مخلوط بعصير طماطم
طريقة التحضير
- بالنسبة للسلق كرنب : هيتسلق ف ماء مغلي فيه كمون و رشه ملح ومجرد ما احط الورقه اقلبها ناحيه تانيه واطلعها ع طول علشان مايتهريش
- بالنسبة للباذنجان بنقوره هو والفلفل بنشيل راس بالبذور وانقعه ف ميه علشان يتغسل كويس
- قدامك طريقتين للخلطة: خلطة متسبكة : في حلة هنحط زيت وسمنه او زيت بس ونحط بصل يذبل وبعدين هحط عصير الطماطم وصلصه ونقلب ونسيبها تتسبك وبعدين ننزل بالخضرة و نقلب ونضيف الملح والشطه والنعناع والقرفه ونخلطهم ونحط الرز
- ونخلطهم كويس ونقفل عليه او خلطة الني في ني :هنحمر بصل حاجه بسيطه وانزل عليه بالصلصه ومكعبات طماطم ونقفل عليه ونحط الخضرة والتوابل والرز ونخلطهم ببعض كويس في بوله برة
- بالنسبة للكرنب هنجيب حله وهنرص ف اول طبقه فيها للعروق بتاعت الكرنب
- وبعدين ابدا اعمل صوابع الكرنب وارصصهم فوقه وبعدين احط زيت عليه علشان يدي لمعان واحط مرقه لحد الصف الاولاني ف الحلة او ربع الحله يعتبر و عصير طماطم واحطه ع نار لحد مايتشرب واوطي عليه واسيبه يستوي
- بالنسبه بقى للفلفل والباذنجان: نحط ف قعر الحلة حلقات بصل وفلفل رومي وطماطم وبطاطس ونحشي الباذنجان والفلفل لحد النص ماتملهوش ع الاخر ونرصصهم فوقهم و بعدين نحط المرقه وعصير طماطم ف كل فتحه ف باذنجان والفلفل واصب مابينهم اهم حاجه المرقه ماتوصلش لنص الفلفل يعني ازيد من ربع بحاجه بسيطة
- واحطه ع نار لحد مايتشرب وبعدين اوطي عليه واسيبه يستوي وبألف هنا♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد