→ كل الوصفات

محشي الكرنب

طبعا كلنا عارفين المحشي و طعمه و جماله بس مش اي حد يعمله طعمه حلو جربوا الطريقه دى و قولولي رايكم

  • راس كرنب بلدى
  • كوبان ارز
  • خضار مشكلة
  • حزمة شبت
  • حزمة كسبره
  • حزمة بقدونس مقطع صغير
  • بصلتان كبار مفرومين
  • عصير طماطم
  • بهارات/
  • م ص ملح وفلفل اسمر
  • م ص كمون
  • رشة قرفه
  • مكعب ماجي
  • نعناع ناشف
  • بهارات محشي
  • قطعه من ليه الضاني المفرومه
  • قرن فلفل حامي صغير
  • فصين توم
  1. طبعا الورق مسلوق و مقطع التقطيع اللي حباها
  2. هنجيب زيت علي سمنه يسخن الزيت في الحله و تنزيلي عليهم بحتة ب ليه الضاني المفرومه لما تصفر هنزل البصل عليها
  3. حطي علي البصله رشة فلفل اسمر و رشة قرفه و رشة ملح و قرن الفلفل الحار المتقطع صغير و لما البصله تكون قربت تحمر انزل ب الثوم المفروم
  4. و لما يطلع ريحة الثوم انزلي بعصير الطماطم و لما تبدا تغلي حطي معلقة سكر و قرب ما تتسبك انزلي عليها بكل البهارات
  5. لما الطماطم تتسبك خلاص و الزيت يطلع علي وشها انزلي بالارز و رشة نعناع وقلبي كويس واقفلي النار و تنزلي ب الخضره وقلبي و خلاص سبيها تبرد
  6. جهزى الحله حطي في أرضيتها بصل شرائح و طماطم شرائح و معلقة زيت و واحدة ماجي وافركيهم ف بعض و وزعيهم
  7. ابداي لفي و رصي وعند الطهي انزلي بالشوربه الجميله و حركي الحله و خلي الشوربه يادوب علي الوش و لما يغلي هدى عليه و سبيه يستوي براحته و الف هنا و شفا
عجبتك الوصفة؟
شوف كل وصفاتنا في مكان واحد
كل الوصفات →