→ كل الوصفات
#طبق_من_بلدنا المحشي بيدل علي اللمه والدفء الاسره وعميله يحتاج نفس ومجهود وحب وده بيمثل كرم الضيافه المصريه♥️يلاه_ياعسل قومي اعملي وبطلي كسل 💪♥️
المقادير
- 1 حبة كرنباية متوسطة
- 3 أكواب رز مصري
- 4 حبات كبيرة بصل
- 1 كيلو طماطم طازجة
- 1 ملعقة كبيرة صلصة طماطم جاهزة للخلطه
- 1 حزمة شبت
- 1/4 معلقه صغيره بابريكا
- 1/4 معلقه صغيره قرفه اختياري
- 2 معلقه صلصه في الشوربه أو نصف كوب عصير طماطم في الشوربه حتتصب علي المحشي في الاخرقبل ماتولعي النار
- 1 حزمة بقدونس
- 1 حزمة كزبرة خضراء
- 2 ملعقة كبيرة سمنة بلدي
- 4 معالق كبار سمنه و 2 وزيت أو لوعند ك دهنه متسيحه ياسلام وشويه زيت داخل الخلطه
- 2 ملعقة كبيرة ملح
- 1 ملعقة كبيرة فلفل أسود
- 1/2 ملعقة كمون
- 1 ملعقة كبيرة كزبرة ناشفة
- 1/2 ملعقة صغيرة سكر
- معلقه كبيره نعناع ناشف اواخضر ومتقطع قطع
طريقة التحضير
- بسم الله الرحمن الرحيم #يلاه_انتي قويه💪﴿1❤️ أول خطوة﴾📢 هاتي حلة كبيرة حطي فيها مية وملح ومعلقة صغيرة كمون، وسبيها لحد ما تغلي على النار. هاتي الكرنباية وقطعي ﴿ الرأس ﴾ أو العرق الناشف اللي فوق بالسكينة. حطي الكرنباية في المية المغلية وهي مقلوبة (أو نزلي ورقة ورقة بالراحة لو مش عارفة تتحكمي فيها)، ودقيقتين بالظبط وطلعي الورق. أو قطعيها ورقه ورقه ونزليها في الماء ورقه ورقه أو قطعيها اربع تربع وكل ربع نزلي في الماء اشطفي الورق المسلوق بماء بارد من الحنفية فوراً (عشان توقفي التسوية وما يتقطعش منك)
- ﴿2💪 تاني خطوة📢 ﴾هاتي ورقة الكرنب، قطعي العرق الخشن اللي في النص الطويل ده ممكن تعملي مخلل أو تحطيها في قاع الحله #ملحوظه #مفيش _حاجه بتترمه قطعي الورقة لمربعات قد بعضها (حوالي صباع الكف أو أصغر شوية حسب ما تحبي حجم صباع المحشي) (3 💪تالت خطوة)📢 خلطة السحر (النيء في نيء) في طبق واسع وكبير، هاتي البصل المفروم، وحطي عليه (الملح، الفلفل الأسود الكمون الكزبرة والسكر). (سر النجاح) ادعكي البصل بالبهارات بإيديكي كويس جداً لحد ما تحسي إن البصل نزل مايته وريحته طلعت ضعي فوق البصل عصير الطماطم، معلقة الصلصة
- ثم الخضرة المفرومة والزيت والسمنة او لوعندك دهنه متسيحه ياسلام طعمها عسل في المحشي قلبيهم كويس ومتنسيش النعناع المحشي روحه في النعناع🥰. لكن لو مش بتحبي خلاص،😂 وأخيراً حطي الأرز المصفى فوق الخليط ده، وقلبي واحده واحده لحد ما كل حبات الأرز تتشرب من الصلصه ﴿4❤️رابع خطوة﴾📢 اللف والرص💪💪💪💪💪#انتي–قويه هاتي حلة وحطي في القاع شوية من العروق اللي قطعناها أو شرايح بصل وطماطم (عشان المحشي ما يلزقش).. وان شاءالله حيطلع احلي حاجه♥️
- خدي ورقة من الكرنب المقطع حطي فيها حبة صغيرة من الرز (عشان الرز بيزيد لما يستوي) واقفلي الجوانب ولفي الورقة بإحكام بس من غير ما تضغطي جامد عشان الرز ياخد رحته ويستوي رصي الأصابع جنب بعضها بانتظام في الحلة لحد ما تخلصي كل الكمية. ﴿5♥️خطوه التسوية﴾📢 هاتي شوربة لحمة أوفراخ وحطي الصلصه علي الشوربه أو نصف كوب عصير طماطم وخدي بالك من الملح اللي ف الشوربه صبي الشوربة فوق المحشي بحذر وخلي بالك مستوى الشوربة لازم يكون تحت الصف الأخير بحاجة بسيطة جداً يعني ما تغطيش المحشي بالمية عشان ما يعجنش منك #خدي_بالك
- حطي علي الوش2 معلقه سمنه فلاحي متسيحه دي حتخلي الطعم في حته تانيه📌ممكن تضعي طبق استالس ع الحله وبعدين تصبي عليه الشوربه💡الخطوه دي علشان الارز مع قوه اندفاع الشوربه حيطلع من المحشي واللفه اللي انت لفها لصوبع المحشي وهزي الحلة💡وغطي بغطا اخر فوق طبق الاستالس وحطيها على نار عالية لحد ما تبدأ الشوربة تغلي وتتشرب أول ما تتشرب روحي مهدي النار خالص على الآخر📢📢 شمعة🕯️وغطيها كويس وسيبيها تستوا على مهلها لمدة من 40 لـ 45 دقيقة افتحي الحلةوشمي الريحة وده حيكون احلي محشي من ايدك 👌👏 وبالهنا والشفا على قلبك👏👏💪♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد