→ كل الوصفات
طريقة عمل محشي الملفوف المصري بالطريقه التقليدية القديمة سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كرنب او ملفوف حجم متوسط
- كيلو من الرز المصري
- لتر من عصير الطماطم الفريش
- معلقتين من صلصه الطماطم
- 2 بصله كبيرة
- 3 سن ثوم
- 3 حزمة من الكزبرة و البقدونس و الشبت و قليل من النعناع
- 1 فلفل اخضر بارد او حار
- توابل: ملح و فلفل اسود و كمون و كزبرة و قليل من الشمر المطحون و ده السر في الخلطة
طريقة التحضير
- هنسلق الكرنب في ميه سخنه و سكر و معلقتين لبن لان بيمنع الراويح و الغازات يا ولاد
- في حلة علي النار هنضيف زيت و معلقتين سمنه بلدي و عليهم لتر الطماطم و الصلصه و نسيبهم يتسبكو او ينطبخوا
- هنغسل الرز كويس و ننشفه بعدين نضيف له كل التوابل و نخلطهم كويس و هنا تبدأ الريحة الرهيبة تبان
- هنضيف للرز الخضرة و البصل المقطع صغير و الثوم المهروس و الفلفل المقطع و نخلط
- هنضيف الصلصه في الاخر و نقلب و نبدأ نلف الكرنب في حلة مبطنة من الداخل بشرايح البصل و الفلفل و عيدان البقدونس المقطعه
- هنسقسق المحشي شوربة سخنه لحد ما نوصل لأخر صف في الحلة بس و مش هنكتر اكتر
- نرفع المحشي علي نار عاليه بعد الغليان نراقب السوائل اذا قلت بنسبه ٧٠% يعني لحد تلت الحلة نبدأ نوطي النار و نلدن المحشي وده للناس اللي بتحب المحشي طري شويه
- بتحبيه مفلفل جففي كل السوايل و ابدأي خففي النار هيكون مفلفل معاكي اوي
- جربي بالظبط كده زي ما بقولك و ادعيلي يا ستي 😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد