→ كل الوصفات

محشي الملفوف (اليخنة)

هاد المحشي باللحم و عالطريقة السورية. و غير اليلنجي ملفوف او الكرنب (أكلة تانية يعني🙃)

  • حبة ملفوف كاملة و يفضل نختارا مسطحة مو واقفة
  • 150 غ لحم عجل مفروم
  • 3 كاسات رز قصير (بسمتي)
  • ملعقتين كبار كمون
  • ملح (اختياري ويفضل تكون ظاهرة بالحشوة طعمة الملح)
  • ملعقة كبيرة فلفل اسود
  • عصفر او بهارات اكسترا او بلاها (حطيت ملعقة بهارات اكسترا)
  • بالحشوة 6 سن توم
  • ملعقتين كبار سمن حيواني
  • لتر ونص ماء مغلي (بحدود 8 كاسات كبار)
  • نعنع تقريبا 4 ملاعق كبار (كمان اختياري)
  • ملح ملعقتين كبار (وكمان دقتو)
  • 3 حبات ليمون معصورة🍋🍋🍋
  • 3 ملاعق كبار كمون
  • فلفل اسود معلقه ممسوحه كبيرة
  1. اول شي منروح ننقع تلات كاسات رز و منطلع اللحمة لتفك
  2. حنسلق ورق الملفوف حنشيل منها العقدة الماسكة الورق بالسكينة منحددا و بعدها بنزلا بمي حارة و بصير بملعقه طبخ بفصل الورق من غي ما اخربن...و بنقلن عمصفايه دغري ليتصفو و بالاخير بغسلهم بمي بارده(مو الهدف السلق تماما... الهدف يفكو عن بعض و يطرو شوي لاقدر لفهم)
  3. بجهز الحشو الرز بعد ما صفي بضيف عليه تقريبا نص كاسه مي فاترة و الكمون و الفلفل و الملح و التوم المفروم و اللحمة (والبهارات اكسترا او العصفر) و السمن و بحركهم كلهم سوا
  4. هلأ بفصل ورق الملفوف يعني بتني بالنص و بشيل الجزء البارز و بصير عندي جزئين من الورق جاهز للف و مرتب (اما الجزء الي انشال بحتفظ في و بحطو بسفل الطنجرة الي حاطبخ فيا)
  5. ببدأ بحشي و بلفو بجهز سفل الطنجرة بدهن سمنة شوي و بحط فص توم كامل بس باخد الجزء الفوق بشرحو و بحطو بسفل الطنجرة و بصف فوقو الملفوف بس خلصت بدهن الوش كمان شوي سمنة و وزعت كمان سنان توم بينن صحيح(انا احتفظت في بالتلاجة لتاني يوم بس غطيتو و حطيتو)
  6. بجهز مرق السلق المي تكون سخنة و بحطلا الملح و الكمون و توم مدقوق و نعنع و رشيت عوش الملفوف كمان شوي نعنع و شوي كمون صبيت المي شوي شوي حتى ما يخربو عليي الملفوفات و بعدين حطيت غطا الطنجرة الاصغر من الي مستخدمتا (كتتقيلة او لو موجوده التتقيله احسن مشان ما يفرط الملفوف و الرز و تتبهدل الدنيا) شغلت النار عليهم و عنار وسط خليتهم بين ٣٥- ٤٠ دقيقه بعدها فتحت عليهم و صبيت عصير الليمون و رشيت تقريبا نص ملعقه فلفل اسود وخليتهم كمان ١٥ دقيقه...بعدها طفيت تحتهم كان انسلقو و جاهزين و تمام وعال العال
  7. بالاخير انا طلعتهم وحده وحده و صفيتهم بصحن و عبيت بزبديه من المرق و خليت فص التوم الصحيح فوق بالصحن و زينت بليمون و يمي😋🤗
عجبتك الوصفة؟
شوف كل وصفاتنا في مكان واحد
كل الوصفات →