→ كل الوصفات
هيدي اول مشاركة الى انشالله تعجبكن
المقادير
- ملفوفة متوسطة الحجم
- كاسة و ربع رز مصري
- لحم ناعم
- 5-6 فصوص توم مدقوق
- دبس رمان
- عصير ليمون
- بهارات مشكلة
- 7 بهارات
- فلفل اسود
- ماجي
- ملح
- كمون
- نعنع يابس
- سمن او زيت
طريقة التحضير
- نبدأ ب ان نشيل الجزأ تبع ساق الملفوفة لحتى يصير شيل الاوراق سهل و نحط طنجرة ماء كبيرة و جواتا ملعقة كبيرة كمون و نحط فيا الملفوفة لتغلي المي كم غلوة و اوراق الملفوف تصير طرية و تنشال بسهولة و جاهزة للف منشيلن و منتركن يبردو عجنب
- للحشوة منحط الرز المصري مع اللحمة الناعمة و البهارات و الملح و التوم المدقوق و رشة نعنع يابس و شوية زيت او سمن و منخلطن سوا
- نقسم كل ورقة و نشيل الجزأ القاسي منا و بتصير كل ورقة عبارة عن نصفين كل نصف منحشيه و منلفو متل ورق العنب بس منكتر حشوة اكتر
- منحط بقايا الساق بسفل الطنجرة منشان ما يلزق المحشي و منصف محشي الملفوف و منضغطو بشي تقيل و منحط ماء اكتر من غمرن بشوي و معلقتين زيت او سمنة و شوية توم مدقوق للصوص كمان و منحطن على النار
- بس غلو كم غلوة منكون عصرنا الليمون حسب الرغبة و منضيف ربع فنجان دبس رمان و ملح و مكعب ماجي منخلطن و منحطن فوق المحشي و منخفض حرارة الفرن و منغطي الطنجرة و منتركا على نار هادية بين الساعة و الساعتين و بعدين منصفي المي و منقلبا و منرش نعنع يابس و صحتين و هنا.. بتتقدم مع فجل و بصل اخضر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد