→ كل الوصفات

محشي الملفوف مع الكوسا

#اكلات_شعبية وصفة لذيذة جداً يمممم

  • 1 راس ملفوف وزن 5 كيلو
  • 2 كيلو كوسا محفور
  • 1 كيلو رز قصير الحبة
  • 1 كيلو لحمة ناعمة
  • 1 كوب دبس بندورة
  • 2 معلقتين كبار ملح
  • 2 معلقتين كبار بهار
  • معلقتين كبار نعناع
  • 1 كوب زيت ابيض
  • 4 سنون ثوم مهروس
  • 4 ليتر ماء مغلي
  • 4 معالق طبخ كبار دبس بندورة
  • 4 سنون ثوم مهروس
  • 2 معلقة نعناع يابس
  1. اولرشي منحط ماء لسلق الملفوف بطنجرة ومنتركا لتغلي ومنجيب الملفوف ومنقصو بنص علعرض بسكينة كبيرة وهيك بدون عزاب ابدا بيتفصل لحالو ومابياكل وقت بسلق كمان فكرة كتير حلوة وسهلة
  2. منكمل سلق الملفوف كل وجبة بوجبتا ومنطلعو عطنجرة تانية ومنغطي ليضل طري وهيك لنخلص سلق الملفوف كلو متجيب الكوسا اللي خفرناه ومنغسلو ومنجهزو
  3. هلق منجهز الحشوة متجيب كل المكونات سوى ومنخلطون ومنعبيون بجاط وهلق منجيب الورق ومنبلش نحط الحشوة باول الورقة ومنلفا بشكل حلو ومرتب وبعدين منحشي الكوسا كمان ومنرتبو وهيك لانخلص الكمية منحط التقلة صينية اصغر من الطنجرة ومنحط طنجرة ماء ومامنشيلا ابدا لنطفي الغاز عنا
  4. وهلق منروب مرقة صوص ومنكتا فوق المحشي ومنحط الثوم ونعناع والملح ومنتركو على نار عالية لبين مايغلي منخفف علوسط ومنخليه ساعتين كمان وبعدين منصفي وبصير جاهز للاكل يمممممم
  5. صحة وعافية على قلبكم هلق تعب وبدووو شغل كتير بس طيب
عجبتك الوصفة؟
شوف كل وصفاتنا في مكان واحد
كل الوصفات →