→ كل الوصفات
#الشيف_الذهبي الاسبوع التاسع
المقادير
- راس ملفوف متوسط الحجم
- كاستين رز حبه قصيره منقوع مده نص ساعه
- ملعقه صغيره نعناع ناشف
- راس بصل مفروم ناعم اختياري
- زيت زيتون
- 3 أسنان ثوم مهروس عصره نص لليمونه
- ملح
- فلفل اسود
- راس ثوم حب
طريقة التحضير
- افضل طريقة لسلق الملفوف اول شي بنشيل القمعه تاعه راس الملفوف وهاي افضل طريقه لسلق الملفوف بنفرغها من النص وبنشيل القطعه القاسيه منها بناخذ ها على طنجره فيها ماء مغلي بنحط فيها نص ملعقه صغيره كمون وهاي مهمه عشان الملفوف ما ينفخ وعشان يخفف من ريحه الملفوف وبنحط شويه ملح بجيب راس الملفوف وبقلبه في الطنجره بحيث يكون الفتحه الي فرغناها لتحت مده ١٠ دقائق حتى تتذبل ورقه الملفوف وتنزل ورقه ورقه
- حشوه الارز بنحط كل مكونات البهارات ع الرز وبنحركهم كثير منيح حتى يختلطو ببعض
- وبرجع للملف الي بالماء بنقلب حبه الملفوف وبسحب ورقه ورقه وعلى السدر بحطها والقطعه القاسيه بخليها شوي بالماء حتى تترى
- بناخذ ورق الملفوف بنشيل القطعه القاسيه من النص وبنقطعها نصين وبعدين بنقطع القطعه كمان من النص (يعني الورقه ٤ أقسام) بنصف هم ع بعض بنيجي للحشي لازم تكون لخطوط بالعرض والجهه المستقيمه بتكون لعندي بنحط الحشوه وبنمدها وبنخلي الأطراف فاضيه شوي وبلفها كويس
- بنجيب الطنجره وبنحط فيها الي شلناهم من نص ورق الملفوف بنحطه في ارضيه الطنجره وبعدين بنصفط الملفوف وبعد اول طبقه بنحط ثوم حب اومقطع حسب الرغبه وبكمل تصفيط باقي الملفوف
- لطبخ الملفوف بنحط الطنجره ع الغاز وبملح الملفوف وبنزل زيت زيتون ع الطنجره وبنضيف ماء مغلي لغايه ما نغمر اخر حبه ملفوف فقط ما نغمره كثير وبنشغل النار لانه لما تكون الماء كثير بعد ما يستوي ونقلبه الماء بيأخذ كل الزيت وكل الملح والنكهات اول ما بتغلي بتركها ٤٥ دقيقه لساعه لحد ما تستوي
- وصحتين وعوافي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد