→ كل الوصفات
أكلة معتبرة والطعمة روعة بتمنى تنال إعجابكم حبايب قلبي 😍😘😉
المقادير
- 4 كيلو ملفوف
- 2 كاستين رز قصير منقوع
- 500 غ لحمة مفرومة ناعمة
- ثوم مهروس
- معلقة سمنة
- معلقة نعناع ناشف
- رشة فلفل اسود وفلفل احمر وبهارات مشكلة لحشوة الرز مع شوية ثوم
- ليمون حامض معصور حسب الرغبة
- ملح حسب الرغبة
طريقة التحضير
- اول شي نقطع الملفوف ونشيلها بالسكين ورقة ورقة بعدين نغسلها منيح ونضع ماء في الطنجرة ونسلقها شوي مانخليه يستوي بعدين نصفيه من الماء
- بعدها نحضر الحشوة اللي هي عبارة عن رز واللحمة وشوية ثوم مهروس مع الملح والفلفل الأسود والاحمر والبهارات المشكلة مع ملعقة سمنة ونحركها منيح ونتركها على جنب
- بعدها نلف الملفوف
- ونحضر طنجرة فيها عصاعيص ولية خروف ونرص الملفوف بالطنجرة
- و بعدها نضع ثقل على الملفوف مع الماء الكافي وشوية ملح
- نضعو على النار وبس يغلي نخليه على نار هادية وبعد شوي نضع الثوم المهروس مع النعناع الناشف وبس يستوي نضع الحامض المعصور ونخليه يغلي شوي مع الحامض وهيك بتكون طبختنا جهزت
- وتقدم وبالعافية حبايبي الحلوين
- وهي مرقة محشي الملفوف
- والف هنا وعافية حبايب قلبي
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد