→ كل الوصفات
طريقة عمل محشي خضار سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 4 حبات باذنجان
- 6 حبات فلفل حلو
- 2 بصل متوسط الحجم
- 5 طماطم متوسطة الحجم + 3 طماطم صغيرة
- ½ كلغ لحم مفروم
- 2 راس ثوم
- 3 ملاعق طماطم العلبة
- ½ كأس زيت زيت
- عكري
- كمون
- قرفة
- ملعقة صغيرة ملح + فلفل أسود
- كزبرة حسب الرغبة
- 3 ملاعق أرز
طريقة التحضير
- في قدر نضع زيت حتى يسخن نضيف حبة بصل صغيرة يتقلى مليح ثم نزيد ملعقة ثوم و ثلاث طماطم مقطعة قطع صغيرة مع التحريك
- تتقلى الطماطم و نضيف كل التوابل المذكورة ملعقة صغيرة و القرفة نصف ملعقة صغيرة + 2 ملاعق طماطم علبة و 2 كأس ماء ساخن نخلوها حتى تغلي نحسبولها خمس دقائق و نطفي عليها و الصوص أصبح جاهز
- الحشو فيه حبة بصل صغيرة في زيت تتقلى و نزيدوها 2 ملاعق ثوم و نزيدو اللحم المفروم
- نقلو اللحم جيداً و نزيدو عليه 2 طماطم مقطعة قطع صغيرة نخلطو كلش و ندير التوابل المذكورة كلها ملعقة صغيرة ما عدا القرفة رشة فقط +ملعقة طماطم العلبة + 3 ملاعق أرز منقوع نصف ساعة في ماء ساخن + كزبرة و هذا إختياري و أكيد لازم نقلوهم مليح و هكذا الحشو راه جاهز
- الخضرة أكيد نغسلوها و نفرغوها من الداخل و نقلوها غير باش نذبلوها لكن البصل و الطماطم مقليتهمش
- نحشي الخضر و نديرها في صينية الفرن نرشها بشوية كمون و فلفل أسود و نفرغ عليها الصلصة
- نخلوها حتى تعقد و بالصحة و الراحة
- الخضار حسب الرغبة و اللحم المفروم على حسب كمية الخضر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد