→ كل الوصفات

محشي صحي بالكرم (ريجيم)

شفتها في الفيس وعدلت فيها لعمله بطريقة صحية

  • حبة كرم
  • ملعقة كبيرة كمون
  • 2 لتر ماء
  • حبتين بصل كبار
  • حبتين طماطم (نضع معه طماطم مصبرة الي مش داير ريجيم)
  • ملعقة صغيرة ملح
  • كوب أرز 🍚
  • كمية من الدجاج المفروم (من مفروض لحم مفروم الي مش داير ريجيم)
  • ملعقة صغيرة (فاح، كسبر، فلفل أحمر حار، زعفران)
  • حبتين بطاطا
  • كأس ماء فيه رشة فلفل أسود و زعفران (من المفروض طماطم مصبرة الي مش داير ريجيم)
  1. نجيب حبة الكرم ننزع منها الاوراق الذابلة وننزع اللب تاعها من الوسط باه تجيني ساهلة في نزع الاوراق من بعد
  2. نغسلها جيدا وننظفها بالماء والليمون
  3. نغلي الماء و نزيدلو الكمون ونحطها تغلى حوالي 10 د
  4. نحضر الحشو بوضع البصل مقطع رقيق بعد تقشيره وغسله أكيد
  5. ثم نسكرفج عليه حبتين طماطم بعد تنظيفها كذلك طبعا
  6. نمزج المكونات الي عامل ريجيم يدير زيت زيتون او يكتفي بماء الطماطم والي مش عامل يزيد الزيت و الطماطم المصبرة
  7. نغلق عليها ونضيف الارز واللحم بالنسبة لي اضفت بولي آشي
  8. ثم نضيف التوابل والمعدنوس اذا متوفر
  9. نخلط الكل ونحضر ورق الكرم بعدما قطرته من الماء نحيله ليكوتي الي يكونوا خشان و نحط في وسطه الحشو ونلوي كيما البوراك
  10. كي نكمل، نجيب قدر نحط فيه بطاطا مقطعة دوائر
  11. نستف المحشي تاعي فوقها ويكون قريب من بعض باه يشد روحو
  12. نزيد عليه الماء المضاف له فلفل أسود و من مفروض طماطم وانا بدلت بالزعفران نضع فوقه صحن لكي لا يخرج الحشو و نغطيه
  13. ثم نخليه يستوي حتى ينشف المرق
عجبتك الوصفة؟
شوف كل وصفاتنا في مكان واحد
كل الوصفات →