→ كل الوصفات

محشي كرنب خفيف ولذيذ

#مقبلات_رمضان

  • راس كرنب مسلوق
  • كيلو ارز
  • بقدونس وشبت وكزبرة خضراء مقطعين رفيع
  • رشة نعناع ناشف
  • بصلتين كبار
  • زيت زيتون
  • كيلو صلصة طماطم
  • معلقة ونص معجون صلصة
  • ملح وفلفل اسمر حسب الرغبة
  • بهارات لحمة
  1. نبشر البصل مع زيت الزيتون على النار نشوحها شوية ونضيف الخضرة ونقلبها ثم نضيف الصلصة ومعاها معلقة معجون صلصة علشان لونها يكون لونها حلو واحمر ونسيبها على النار لغاية ما تتسبك وبعد كدة نطفي النار ونسيبها تبرد شوية مش تحطي الرز عليها وهي سخنة علشان كدة هيخليه يعجن معاكي وهو بيستوي
  2. نقطع الكرونب بعد ما نسلقه وخلي السليق بتاعه ٣/٤ سليق علشان لسة هيستوي تاني
  3. نضيف الزر لخليط الصلصة السابق ونقلب كويس جدا بحيث يختلط كله سوا وتحضري الحلة الي هتحشي فيها وتبطنيها بورقتين كبار ورشه زيت ونبدء نحشي بنبدا الاول بالورق الاخضر اوي علشان هو الي بيتحمل درجة الحرارة عن الفاتح وبعد ما يخلص نبدء بالافتح
  4. بعد ما تخلصي كله نفس الصينية الي كنتي عاملة فيها الخلطة حطي فيها نفس مقدار الرز مية مع واحدة مرقة دجاج وقلبيها واول المية ما تغلي ضفيها على المحشي وحطيه على نار عالية ومن وقت للتاني حركي الحلة علشان المية تنزل تحت ويستوي كويس واول ما يشرب المية وطي النار عليه حوالي ربع ساعة وبالف هنا
  5. ملحوظة ** النعناع الناشف بيدي طعم تحفك وكل ما تزودي في الشبت كل ما عطاه ريحة وطعم مختلف وفي حاجة كمان الي بتبقى منك حطيه فيه طاسة فيها حتة سمنة صغيرة وسخنيه على النار وقت الأكل منغير مية حتة سمنة او زيت زيتون هيكون معاكي كانك لسة عملاه
عجبتك الوصفة؟
شوف كل وصفاتنا في مكان واحد
كل الوصفات →