→ كل الوصفات
#وصفات_بالارز
المقادير
- كرنب (ملفوف)
- كيلو ارز
- كيلو ونص طماطم
- 2 حزمة شبت
- 2 بقدونس
- 2 كزبرة
- 2 بصلة كبيرة
- فلفل اخضر بلدي أو رومي حسب الرغبة
- البهارات السبعة
- فلفل اسود
- كمون
- ملح
- مكعب مرقة
طريقة التحضير
- نغسل الخضرا كويس ونقطعها ونعصر الطماطم في الخلاط ونقطع البصل ونشوحه لحد ما ياخذ لون وننزل عليه بعصير الطماطم نضيف البهارات والملح ونزود الملح شويه عشان الأرز ونسيبها تتسبك ووقبل ما نطفي عليها نضيف الخضرا ونقلبها كويس ونسيبها على جنب
- في الوقت اللي الطماطم بتتسبك فيه ممكن نسلق الكرنب (الملفوف) ونقطعه
- نغسل الأرز ونضيف عليه التسبيكة حبة حبة مع التقليب لحد ما نلاقيها كفايا على الأرز ونقطع عليها الفلفل
- نكون مجهزين الحلة مفرود فيها عروق الخضرا والكرنب وممكن نحط شرائح بصل وجزر بيدو طعم حلو ونبدأ نلف المحشي ونرصه في الحلة طبقات عكس بعض أو دوائر عشان ساعة السوا الماء توصله ويستوي كويس
- نجهز ماء ساخنه ونذوب وفيها مكعب المرقة ورشة من البهارات والفلفل الأسود والكمون وملح بس اقل من مقدار الملح للرز في الطبيخ العادي عشان كننا مزودين الملح للتسبيكة ونضيف الماء على المحشي لحد ما يغطيه ونهز الحلة عشان الماء توصل لكل الطبقات كويس ولو الماء قلت شويه نزودها ونشغل النار عليها عالية لحد ما يقلب ويتشرب شويه ونهدي عليه النار خالص لحد ما يستوي وبالهنا والشفا ♥️
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد