→ كل الوصفات
من أحلى أكلات الشتاء😍🤩 #المرور_الثالث #حملة_التشجير
المقادير
- 1 كرنبة وسط
- 4 كوب رز
- 1/2 كيلو طماطم معصورة
- 4 بصلات حجم كبير مفرومة
- 1 حزمة شبت مفرومة
- 1 حزمة بقدونس مفرومة
- 1 حزمة كزبرة خضرة مفرومة
- 1/2 كوب زيت
- 3 ملاعق كبيرة صلصة طماطم
- 2 مكعب مرقة دجاج
- 1/2 ملعقة سكر
- 1 ملعقة صغيرة ملح
- 1/2 ملعقة فلفل أسود
- 1/2 ملعقة بهارات لحمة
- 1/2 ملعقة بابريكا
- 1/2 ملعقة شطة إختياري
طريقة التحضير
- أولاً نسلق الكرنب (الملفوف) في ماء مغلي مضاف إلية ملعقة كبيرة من الكمون وبعد سلق الكرنب (الملفوف) نقطعه بعد كدة و نتركه لحد لما نعمل الخلطة ☺️
- أولاً نجيب حلة ونضعها على النار ونضع فيها 1/2كوب الزيت والبصل المفروم ونحمر البصل شوية لحد لما يصفر لونه وبعد كدة نضيف عصير الطماطم وصلصة الطماطم ونضع الملح والفلفل والبهارات والبابريكا والسكر ومكعب مرقة دجاج والشطة ونقلبهم مع بعض ونهدي النار ونسيب الصلصة تتسبك وبعدين نقفل النار عليها☺️
- نغسل الرز ونصفيه كويس وبعدين نضعه في طبق غويط ونضع عليه الشبت والكزبرة والبقدونس ونضيف عليهم صلصة الطماطم المتسبكة ونقلبهم مع بعض ☺️
- نحضر حلة ونضع فيها عروق الكرنب من تحت في الحلة وبعدين نجيب ورق الكرنب المتقطع نحضر ورقة ونضع فيها خلطة المحشي ونلف الكرنب وبعدين نرصص أصابع الكرنب في الحلة وبعد لما نخلص حشو الكرنب نسقيه بشورة فراخ وتكون الشوربة لحد آخر صف كرنب ونجيب مرقة دجاج ونفركها علية من فوق بتدي المحشي طعم روعة🤩
- وبعدين نضع الحلة على النار تغلي وبعد كدة نهدي النار ونسيب الكرنب يستوي ويشرب كل كمية الشوربة ولما يستوي نقفل النار علية ونقدمة بعد كدة😍وأستمتعي بئا بالطعم الجبار 🤩💓🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد