→ كل الوصفات

محشي كرنب (ملفوف)

#طبخات_عائلتي

  • 0.5 كرنب (ملفوف)
  • 2 كوب ارز (على حسب الكميه الل هتعمليها)
  • 2 بصله كبيره
  • 1 طماطم
  • 1 فلفل احمر
  • حزمة بقدونس وشبت وكزبره
  • 4 ورقات نعناع ناشف
  • معلقه سمنه
  • قليل زيت
  • 3 كوب شوربه
  • ملعقة صلصة
  • ملح /
  • فلفل اسود/
  • كمون/
  • كزبرة ناشفه /
  • شطه
  • لارضيه الحله
  • 1 بصله طرنشات
  • 1 طمطمايه طرنشات
  • ملح
  • كمون
  1. اول حاجه هنسلق الكرنب (الملفوف) وقبل ماتسلقيه حطي في ماء السلق شويه ملح ابيض وشويه كمون وحبة زيت عشان الورق يلمع ويبقى مفلفل في الحله
  2. اضربي الطماطم في الخلاط وصفيها بالمصفاه وبعد ماتصفيها اضربي معاها قرن الفلفل الاحمر
  3. قطعي البصل قطع صغيرة وتبليه بكمون وحطي ملعقة السمنه وشويه الزيت وحطي البصل لحد ماياخد اللون الذهبي وانزلي عليها بعصير الطماطم وحطي باقي التوابل ماعدا الملح وحطي النعناع الناشف وسيبيها لحد ماتتسبك
  4. تكوني مجهزه الرز وغسلاه تنزلي على الطماطم المتسبكه بيه وتديله تقليبه على النار وحطي الملح َوقلبي وبعدها تطفي وتحطي الشبت والبقدونس والكزبره وتكوني مقطعاها صغيرة جداً ولو الحزمه كبيره اركني منها شويه متقطعين على جنب تحطيهم في الحله الل هتحشي فيها من تحت
  5. كده جاهز على الحشو قبل ماتبتدي تحشي تقطعي بصله وطمطمايه طرنشات وتبليهم بشويه ملح وكمون وحطيهم في ارضيه الحله بيدي المحشي طعم وريحه تجنن
  6. حطي على الشوربه الل هتسوي بيها المحشي ملعقة صلصة ومعلقه سمنه وقلبي وانزلي بيها على المحشي وحطيه على النار هيطلع معاكي احلى محشي وبالهنا
عجبتك الوصفة؟
شوف كل وصفاتنا في مكان واحد
كل الوصفات →