→ كل الوصفات
طريقة عمل محشي كرنب (ملفوف) 🥬😉 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- كرنبه متوسطة الحجم
- 3 كوب ارز ابيض مصري
- 3 حبات بصل كبيرة
- 4 حبات طماطم كبار للتسبيك
- خضرة المحشي
- 1 كزبرة
- 1 بقدونس
- 1 شبت
- م ك ملح
- م ك فلفل اسمر
- م ك كمون
- 1/2 م ك زنجبيل
- م ك سبع بهارات
- رشه قرفة
- رشه سكر
- 1/4 م ك كزبرة جافه
- رشه جوزه الطيب
- رشه حبهان مطحون
- زيت
- زبدة
طريقة التحضير
- هنسلق الكرنبه في ميه ساخنه فيها ملعقة كبيرة كمون وم ك سكر وم ص ملح مدة ٣ ل ٤ دقائق على كل جنب ونطلعها تقطعها المقاس المناسب للحشو
- في حله على النار فيها شويه زيت ٣ ملعقة كبيرة مثلا ونحط عصير ٤ طماطم كبار ونسيبها بعد اول غلوه على نار هادئة تتسبك
- ٤ حبات بصل كبار هنضربهم ف الكبه كويس ناعم
- هنغسل الرز ونسيبه يتصفي من الماء
- هنقطع الخضره ناعم ونغسلها كويس وتتصفي
- هنحط جميع المكونات على بعض البصل على الطماطم بعد التسبيك والخضره والرز البهارات ملعقة كبيرة ملح.. ملعقة كبيرة كمون.. ملعقة كبيرة فلفل اسمر.. نص ملعقة كبيرة زنجبيل.. ملعقة كبيرة سبع بهارات.. رشة قرفة رشة سكر رشة جوزة الطيب كزبرة ناشفة ربع ملعقة وشطه اختياري وشويه زيت ونخلط المكونات كويس وندوق الملح مظبوط ولا نظبطه ونبدا نحشي
- في حله هنضيف من تحت عروق الكرنب (الملفوف) او بصلة مقطعة دوائر وطماطمايه مقطعة دوائر ونرص الكرنب (الملفوف) ونسقيه مرقه لو موجود او ميه مغلية ونضيف لها بهارات الوصفه مع ملعقة صلصة كبيره لحد اخر رصه في الحله ونوقف ماتغطيهاش الماء عشان الكرنب (الملفوف) لسه هينزل ميته ونقطع قطع زبدة صغيرة على الوجه نوزعها ونغطي الكرنب (الملفوف) بورقه كبيره من الكرنب (الملفوف) او طبق كبيره عشان المرنب مايفكش
- ياخذ غلوتين على نار عاليه ربع ساعة بعدين نخفف النار خالص عالهادي ونسيبه لحد مايشرب ميته ويستوي وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد