→ كل الوصفات

محشي كرنب (ملفوف)

طريقة عمل محشي كرنب (ملفوف) سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كرنبه صغيره
  • 0.25 كيلو رز او اكثر حسب الاحتياج
  • 3 حبات طماطم كبار
  • ربطه صغيره بقدونس
  • ربطه صغيره شبت
  • 1 حبة بصل وسط
  • شوربه
  • فليفله
  • حبه طماطم للتسويه
  • حبه بصله صغيره للتسويه
  • معلقه كبيره صلصه
  • رشة ملح
  • رشة فلفل اسمر
  • رشة بابريكا
  1. هضرب الطماطم في الخلاط.. هقطع البصله صغير واحمرها في السمن وانزل عليها بالطماطم المعصوره واضيف الملح والفلفل الاسمر والبابريكا والصلصه واسيبها تتسبك كويس
  2. ملحوظه مهمه : طماطم المحشي مش بزودها ماء خالص بسيبها تتسبك وتتقل بدون ماء نهائي
  3. هغسل الرز كويس وضيفه للطماطم المتسبكه واقطع الخضره واضيفها للرز واقلبهم كويس واتأكد ان ملح الخلطه مظبوط
  4. هشيل القلب بتاع الكرنبه واكون مجهزه ماء مغليه هنزل فيها الكرنبه سليمه وابدأ اطلع ورقه ورقه بحيث الورقه متاخدش 5 ثواني على النار
  5. هرص الورق واشيل العرق من كل ورقه واقطع الورق كويس واظبطه
  6. ابدأ احشي كل ورقه والفها كويس وارص الورق في الصينيه
  7. هضيف شوربه مغليه للكرنب بس مش هغطي الكرنب بالشوربه.. يعني اخلي الشوربه تحت الكرنب بحوالي عقله صباع
  8. هرص على الوجه جوانح بصله وجوليانات طماطم وفلفل اخضر
  9. اول ما الحله تغلي ههدي النار واغطي الحله واسيب الكرنب يستوي بالف هنا وشفا
عجبتك الوصفة؟
شوف كل وصفاتنا في مكان واحد
كل الوصفات →