→ كل الوصفات
#احنا_المصرين
المقادير
- كرنبه متوسطه مسلوقه ومتقطعه
- 4 كوب رز مصري مغسول ومتصفي كويس
- حزمه من البقدونس
- الكزبره الخضرا
- الشبت
- بهارات مشكله (7 بهارات)
- بصل متقطع صغير
- فصين ثوم مهروسين
- كمون
- ملح
- فلفل اسود
- رشه شطه
- عصير طماطم
- ملعقه كبيره صلصه طماطم
- مرق للتسويه
طريقة التحضير
- نسلق الكرنب (الملفوف) في ماء مغلي ورشه كمون ونحطه بعد كده في ماء ساقع علشان ميتهريش ويفضل ماسك نفسه ونقطعه على حسب الحجم اللي يناسبك
- نعمل الخلطه بقه نجيب حله على النار نحط فيها ملعقة زيت كبيره ونشوح فيها البصل والثوم وبعدين ننزل بعصير الطماطم وملعقه الصلصة ونحط عليهم البهارات كلها واول ماتغلي نحط الرز ونقلب ونطفي النار وننزل باخضره ونقلب
- نحشي الكرنب (الملفوف) نجيب حله ونفرش فيها ورق الكرنب (الملفوف) الأخضر من تحت ورقتين كده علشان تحميلي الكرنب (الملفوف) بتاعي 😂 ونرص صوابع المحشي لغايه ما نخلصه ونحطه على النار ونحط عليه طبق وننزل عليه المرقه السخنه لغايه قبل الصف الاخير ونغطي
- واول ما يتشرب نهدي النار لحد مايستوي نطفي النار ونفتح عليه ونشيل الطبق ونحط ملعقه سمن بلدي ونغطي تاني لغايه ما السمن يذوب من سخنيه المحشي وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد