→ كل الوصفات

محشي كرنب وفلفل وباذنجان وكوسة 😍❤

طريقة عمل محشي كرنب وفلفل وباذنجان وكوسة 😍❤ سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كرنبة متوسطة
  • 0.25 كيلو فلفل
  • 0.25 كيلو كوسة
  • 0.25 كيلو باذنجان
  • كيلو ونصف طماطم معصورة
  • 4 كوب أرز
  • 2 بصلة قطع صغيرة
  • 4 ملاعق سمنة أو زيت
  • خضرة (شبت وبقدونس وكزبرة) ربطة من كل حاجة
  • 0.25 ملعقة بهارات
  • 0.25 ملعقة فلفل
  • ملعقة كزبرة ناشفة
  • ملعقة كمون
  • ملعقتين ملح صغيرتين
  1. تقطع الكرنب أربع أرباع ثم يتم سلق كل ربع على حده
  2. يتم تقطيع الورق بهذا الشكل
  3. يتم غسل الكوسة والباذنجان والفلفل وتنضيفهم من الداخل (يتم تفريغ ما بداخلهم) وأصبحوا بهذا الشكل وما أخرجناه من الكوسة احتفظي به للاستعمال القادم و الخضرة نغسلها ونقطعها قطع صغيرة
  4. نجيب حلة ونحط فيها السمنة والبصل ونقلب لحد ما لون البصلة يصفر وبعدين نحط الطماطم ونسيبهم يتسبكوا
  5. ننزل عليهم بالأرز المغسول ونصف الخضرة اللي قطعناها وجميع التوابل بتاعتنا ونقلبهم ونسيبهم شوية صغيرين وبعدين نحط باقي الخضرة علشان لونها يفضل أخضر وكده خلطة المحشي خلصت
  6. نجيب حلتين واحدة هنحط فيها كام ورقة خضرة من ورق الكرنب علشان وقت التسوية المحشي ميحرقش الحلة (الحلة دي للكرنب) ونجيب حلة تانية نحط فيها اللي طلع من الكوسة اللي قولت عليه فوق (الحلة دي للفلفل والكوسة والباذنجان)
  7. نبدأ نحشي الكرنب ونرصه بالعرض طبعا أما باقي المحاشي بنحشيها ونرصها واقفة
  8. التسوية : لو عندك شوربة بتحطي للكرنب شوربة لحد قبل الرصة الأخيرة وتسيبيه يتشرب زي الأرز وأول ما يتشرب توطي النار خالص وتسيبيه يستوي وخلي بالك مش بياخد وقت يعني ركزي معاه
  9. أما باقي المحاشي هتحطي شوربة لحد نص أكبر باذنجاية رصتيها مش أكتر علشان ميعجنش وفي نفس الوقت يستوي وبرده النار في الأول عالية وبعدين هادية خالص
  10. تعبت والله 😂 كده المحشي جهز وبألف هنا وشفا 🖒✌
عجبتك الوصفة؟
شوف كل وصفاتنا في مكان واحد
كل الوصفات →