→ كل الوصفات
طريقة عمل محشي كرنب وكوسه سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كرنبه
- خضرة مشكله
- ضمة بقدونس
- ضمة كزبرة
- ضمة شبت
- كيلو طماطم
- 2 كبار بصل
- 0.5 كوب زيت أو كوب إلا ربع
- توابل
- رشة نعناع ناشف
- رشة زنجبيل بودرة
- رشة قرفه
- ملعقة صلصه طماطم أو ربع معلقه لون طعام احمر
- قرن فلفل حامي اختياري
- 0.5 كيلو رز مصري
طريقة التحضير
- مش بسلق الكرنب ابدا. بحطها زي ما هي بعد قطع رأسها في الفريزر وتاني يوم أخرجها كأنها مسلوقه بالظبط وابدا تقطعها لما تفك بدون وضعها في الماء ولا اي حاجه
- توضع الحله على النار وبها الزيت والبصل ويشوح الى ان يدبل ونضيف ملعقه الصلصه او ربع معلقه الشاي لون الطعام الأحمر بيخلي اللون تحفه
- ثم الطماطم المعصورة وانا بكون غليتها في ماء لمده ربع ساعه ثم تضرب في الخلاط بيفرق في اللون كثير
- ثم اتركها تتسبك ولا أضع التوابل إلا في النهايه حتى لا يمرر الطماطم ويفقد طعمه
- انزل بالرز لو متأكده من نوعه أنه نضيف بحطه من غير غسيل خالص. لو مش متأكده اغسليه كويس وصفيه تماما
- ثم اقلب واضع آخر شيء الخضره ومعاها الفلفل الحار لو عايزة
- أضع العروق بتاعة الكرنب في الارضيه وشرائح بصل وابدا في لفه ورصه
- في النهايه أضع طبق على الوجه قبل سقيه بالشوربه
- أضع الشوربه يادوب تغطي الطبقه الاخيره بنص سم
- أضعها على نار متوسطه حتى ربع ساعة ثم اوطي النار كمان ربع ساعه ثم اهدي خالص خالص الى ان ينضج
- عملت من الخلطه كوسه وباتنجان
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد