→ كل الوصفات

محشي كرنب ومحشي خس

اكلت المحشي ف الجو البارد ده لذيذه جدااا وكمان لما المحشي يبقا مشطشط شويه وااوو 😋❤️انا بحب المحشي وكل العائله بيحبوا ياكلوا المحشي من ايدي 🤷‍♀️

  • كرنبه متوسطه
  • ك طماطم احمر
  • بقدونس وشبت وكسبره
  • كيلو أرز
  • ورق خس
  • 4 بصلات كبار
  • زيت أوسمنه
  • بهارات محشي
  • فلفل اسود
  • مرقه دجاج
  • كمون
  • شطه
  • فلفل احمر
  • ملح
  1. ف حله هنحط مياه تسخن عشان نسلق الكرنب وبعدين نفصص الكرنبه ونسلق الكرنب ولما يطلع نغسله بمياه ساقعه وبعدين نحطه ف طبق ونقطعه ع قد صوبع المحشي
  2. وبعدين نقطع ورق الخس ونسلقه بس مش يغلي ياخد لون بس ولما يطلع نغسله بمياه ساقعه ونقطعه
  3. نغسل الطماطم كويس وبعدين نقطعه ونحطه ف الخلاط ونضربها حلو
  4. اغسل الخضراء كويس جداااا وبعدين نقطعه لازم تتغسل الاول وبعدين نقطعه مش العكس عشان الفائده اللي ف الخضراء مش تروح
  5. ف حله نقطع 3بصلات كبار قطع متوسطه ونضيف الزيت او السمنه ويفضل زيت ونقلب لحد اما البصله تدبل كده وبعدين نحط شويه خضرا من اللي مقطعنه ع البصله ونقلب الخطوه دي جميل اووي انا متعلمه من أمي بتفرق ف طعم الصلصه جدا ❤️
  6. ونفضل نقلب شويه مش نخلي البصله تحمر اوووي وبعدين ننزل بالطماطم والبهارات كله والمرقه والملح ونغطي عليه لحد اما تتسبك كويس وكده الصلصه اتسبكت اطفي عليه
  7. ف طبق نغسل الارز ونحط عليه الخضرا ونقلب وبعدين ننزل بالصلصه ونقلبهم مع بعض ونجيب الحله اللي هنحشي فيه تقطع بصله صغيره مع شويه فلفل اسود وكمون وبهارات لحمه صغيرين وورقه لورا ونحطهم ف ارضيه الحله ونحشي بقا عليه
  8. بعد لما نلف المحشي نقطع ع وشه فلفل اخضر وفلفل حار حسب الرغبه ونسقيه شوربه فراخ او لحمه بس مش نغطي اخر صف من المحشي ولما يتشرب الشوربه وطي النار ع الاخر لحد اما يستوي
  9. ويتقدم بالهنا والشفاء ❤️😋
عجبتك الوصفة؟
شوف كل وصفاتنا في مكان واحد
كل الوصفات →