→ كل الوصفات

محشي كرنب

#التحدي_البرونزي #وصفات بالأرز

  • ½ كيلو كرنبه حجمها متوسط حوالي
  • للحشو: نص كيلو رز
  • ¼ كبايه زيت
  • 5 حبات طماطم مفرومين
  • حزمتين شبت وكزبره
  • حبتين بصل متوسطين مقطعين مكعبات
  • من نص لتر للتر شوربة طعمها مظبوط جداااا
  • توابل المحشي:ملح وشطه وفلفل اسود وكمون واهم حاجه مكعب مرقة دجاج
  1. اول حاجه بفصل ورق الكرنب عن الجزء العلوي منها ورقه ورقه
  2. في حلة واسعة عل النار بجهز الميه معاها رشة كمون ورشة ملح علشان الورق ميبقاش عادم طعم
  3. نسلق الورق بمدة دقيقتين للورقه علشان متتقطعش منك ودي اول حاجه نعملها قبل تجهيز الحشو بعد ماتبرد نلف الورقه رول ونقسمه بالعرض الى جزئين او تلاته حسب ماتحبي حجم الصوباع
  4. نجهز الحشوه : علشان احنا في أول الشتا يبقي الكرنب اول ظهوره هياخد سوى كتير يبقي نعمل الحشوه بالرز وهو ني
  5. نجيب البصل نقلبه في معلقتين سمنه علشان تديني طعم وريحه لحد ماتدبل وننزل عليها بالطماطم الصلصه لو اللون مظبطش معاكي في الصلصه ضيفي معلقه صلصه جاهزه هتظبطلك اللون
  6. نغسل الرز كويس قوي وننقعه لمدة دقيقتين بعدين نصفيه كويس قوي من الرز
  7. نجيب الخضرة ونقطعها صغير جدا او نفرمها في الكبه ونخلطهم مع بعض الرز والخضرة والصلصة ولو حابه تقطعي قرن فلفل يبقي يجنن بس ده لمحبي الشطه ⁦🌶️⁩
  8. اخر حاجه في الحشو هو التوابل ترشي الكميه المناسبه للحشو من التوابل الملح والشطه والفلفل الاسود والكمون ومتنسيش مكعب مرقة الدجاج ونخلطهم كويس قوي ولازم تفتتي المكعب أو تطحنيه مع التوابل علشان ميكتلش وكل الأجزاء تختلط بيهم
  9. نبدأ ننزل بالزيت واحده واحده ونقلب كويس جدا علشان الرز يبقي متفلفل وكل حبابه لوحدها وميعجنش في السوا
  10. مرحلة اللف : نجيب الورق المتقطع وتخليه بالطول مش مهم عل اي وش المهم حسب مالورقه تلم معاكي
  11. اول مره أسويه كده بس بجد تحفه :هاتي طاجن فخار ورصي المحشي فيه وعليه معلقة زيت بس ودخليه الفرن قبل اي حاجه اول ماتسمعي صورة الزيت بيطقطق في الفرن انزلي عليه بنص لتر شوربه بيغلي أو حسب ما تساوي الشوربه في مستوى المحشي اهم حاجه وغطيه كويس جدا
  12. بعد تلت ساعه بالظبط ابدأي هدي عليه النار لحد ما يشرب الشوربه كلها وبعدين تقدميه سخن والف هنا وشفا
  13. طبعا أنا ملحقتش الصوره بعد ماتستوى لانه اتاكل بالهنا والشفا من كتر ريحته الجميله
عجبتك الوصفة؟
شوف كل وصفاتنا في مكان واحد
كل الوصفات →