→ كل الوصفات

محشي كرنب 😂🤷🏻

طريقة عمل محشي كرنب 😂🤷🏻 سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • كرنبايه
  • لتر طماطم او ع حسب الكميه
  • ارز ع حسب العدد
  • 2 فلفل
  • 3 ثوم
  • 5 حبات بصل متوسطة الحجم او ع حسب الكميه
  • كمون
  • نعناع ناشف
  • فلفل اسمر
  • ملح
  • شطة
  • 2 مرقة دجاج
  • خضرة
  • شوربة دجاج او لحمه او اي شوربة
  1. هنسلق الكرنب ونقطعه حجم متوسط متعرضيش الورقه ممكن تطوليها وتقطعي وانتي بتحشي اما العرض يبقي متوسط
  2. الصلصه بقه نقطع البصل مكعبات صغيره ونشيل منهم شويه بصلايه مثلا ف طبق ونفركها بالملح والفلفل الاسمر
  3. وباقي البصل نحطه ف حله وزيت ع النار ونقلب لحد م يدبل ويصفر
  4. ندق التومه مع الفلفل ونحطها ع البصل تشويحه خفيفه جدا وننزل بالطماطم ونحط معلقتين صلصه طماطم ع الطماطم لو مفيش صلصه عادي اكتفي بالطماطم العاديه
  5. نحط التوابل والمرقه ماعدا النعناع ونسيبها لحد م تتسبك بمعني الزيت يكون ع الوش والطماطم لتحت
  6. نجيب رز ع حسب الكميه ونحط عليه الصلصه والخضرة والنعناع الناشف والبصلايه المتبله ولو عاوز ملح حطي متستخسريش😂
  7. قلبيهم ف بعض واحشي الحله وبعدين ع النار لو عندك شوربة اسقي بيها طب لو معندكيش عادي هاتي مايه ف حله ع النار وبصلايه فيها ومرقتين شوربه وشويه طماطم وظبطي الملح واسقي بيها المحشي وبالهنا والشفتشي 😂
  8. ملحوظه ممكن بعد م تعملي المحشي تجيبي التومايه بالفلفل بالطماطم وعليهم كمون وعصرة نص ليمونه او اقل وحطيهم ع وش الحله كنوع م التغيير
  9. وممكن تعملي الصلصه م غير التوم والفلفل مش هتقول لا وهيبقي حلو برضه
  10. لما تسبكي الطماطم شيلي منهم حبه حطيهم ع وش الحله وانتي بتسقي المحشي حطي طبق عليه عشان الصلصه متسيحش ف الحله كلها بلس ان المحشي يحتفظ كل صابع بقوامه 🤷🏻
  11. ممكن تعملي الخلطه اللي هي الرز ع الخضرة ع الصلصه ممكن تديهم تشويحه ع النار قبل م تحشي الكرنب
  12. اخيرا ممكن تقطعي طماطم وفلفل شرايح وتحطيهم م تحت ف الحله
عجبتك الوصفة؟
شوف كل وصفاتنا في مكان واحد
كل الوصفات →