→ كل الوصفات
طريقة عمل محشي كرنب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1 كرنبه متوسطه الحجم
- كيلو ونص أرز مصري مغسول ومصفي
- 2 بصله كبيره مقطعه صغير
- 3/4 كيلو طماطم
- 3 معلقه صلصه
- معلقه توم مهروس
- معلقه من كل من (كمون+فلفل اسود+ بهارات+ ملح)
- حزمه من (بقدونس+ شبت+ كسبره) مغسول ومقطع صغير
- 1/2 كوب زيت ذره او عباد
- 2 فلفل اخضر مقطع حلقات
طريقة التحضير
- في حله علي النار نضع الزيت ونضع فيه البصل وتعصر الطماطم مع الصلصه في الخلاط وعندما يصفر البصل نضع عليه عصير الطماطم
- ثم نضع البهارات كلها ومعلقه التوم ويقلب وتغطي الحله حتي تغلي وتسبك الطماطم
- في حله تانيه نغلي ماء ونقطع الكرنبه ونسلقها في الماء المغلي ثم تقطع قطع صغيره علي قد صباع المحشي
- في بوله كبيره نبدأ نجمع الخلطه اولا الأرز المغسول المصفي جيدا يوضع عليه خلطه التسبيكه وبعدين الخضره المقطعة وممكن نحط كمان معلقه صغيره من كمون وفلفل اسود وبعدين نقلب الخلطه كويس بإيدينا وتكون كده الخلطه جاهزه علي الحشي
- في حله يفضّل تكون تيفال عشان المحشي ميتحرقش من تحت وفي ارضيه نرص ورق كرنب عشان يمنع احتراق السطر الاول من المحشي
- ونبدأ نحشي المحشي بأن نضع شويه أرز حوالي معلقه في اول ورقه الكرنب ونلفها كويس عشان الأرز ميطلعش من الورقه عند التسويه وترص في الحله ونكمل الحله كلها بالطريقه دي ونضع حلقات الفلفل الأخضر مابين طبقات المحشي بيدي طعم وريحه طيبه
- وبعد لما الحله تتملي نجيب لتر ماء وندوب فيه معلقه ملح ونسقي حله المحشي ونخلي الميه يادوب تغطي وش المحشي يعني مش لازم نحط الميه كلها وبعدين نهز الحله عشان الميه تتغلغل ما بين طبقات المحشي
- وتوضع حله المحشي في الاول علي نار عاليه لحد ما تتشرب وبعدين نوطي عليه النار لحد ما تستوي وبالهنا😘
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد