→ كل الوصفات
بدون آي دهون نهائي و طعمه خفيف جدا و مش متسبك صالح لمرضي القولون
المقادير
- 9 كوسا حجم كبير
- 1 كوب آرز
- 1/4 كيلو لحم مفروم معصج
- 1 بصله حجم كبير مفرومه
- 1 طماطم حجم كبير
- 1 فلفل حجم كبير
- 1 ملعقه معجون طماطم
- 3 فصوص ثوم مفروم
- 3 ملاعق شبت
- 3 ملاعق بقدونس
- 3 ملاعق كسبره خضرا
- 1 ملعقه كمون
- 4 اوراق نعناع
- 1 ملعقه كسبره ناشفه
- 1/2 ملعقه بصل بودر
- 1/2 ملعقه ثوم بودر
- 1/2 ملعقه كاري
- 1 مكعب مرقه دجاج
- 1 بصله خضرا
- 1 كوب لبن خالي الدسم
- 1 ملعقه نشا
- ملح "حسب الزوق"
- 1 كوب شوربه
طريقة التحضير
- اول حاجه هننضف الكوسا كويس و نشيل قلبها و نغسلها بمايه و ملح
- ثاني حاجه هنجيب إناء غير لاصق و نشوح البصله و الثوم بدون اي دسم و بعدين نحط الفلفل و الطماطم و نقلب تقلبتين و بعدين نحط معجون الطماطم اذا حابين و بعدين نقطع الخضرا و نحطها معاهم و نقلب و اخر حاجه نتبل الخلطه و نحط الارز و العصاج و دقيقه و نطفي النار
- نحشي الكوسا بقي و في مقلاه يدوب مدهونه بزيت زيتون و نشوح المحشي ليأخذ لون و بعدين نزوده بالشوربه
- في اناء اخر نقطع البصله الخضرا و نشوحها تشويحه خفيفه و بعدين نضيفلها اللبن و النشا
- و لما المحشي يكون خلاص داخل علي سوا نزوده باللبن و خمس دقايق و نطفي عليه و يقدم
- و بالهنا و الشفا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد