→ كل الوصفات
مع سر عدم تكسر الكوسا وقت التقوير وسر لف الملفوف بكل سهولة
المقادير
- كوسا حجم وسط
- 2 كيلو باتنجان حجم وسط
- ملفوفة وسط
- 4 كوب كبير ارز قصير الحبة منقوع نصف ساعة
- ملعقة كبيرة ملح للحشوة
- ملعقة صغير فلفل اسود
- ملعقتين كبار معرمين سمنة
- ملعقتين كبار زيت نباتي
- ملعقتين كبار دبس بندورة للحشوة
- 0.5 كيلو لحمة ناعمة
- ملعقتين كبار معرمين دبس بندورة للمحشي
- ملعقة كبيرة ملح للمحشي
- ملعقتين كبار نعناع يابس
- رأسين ثوم كامل
- 2 كيلو بندورة معصورين
- 0.5 كيلو دهنة
- 0.5 كيلو عظم
طريقة التحضير
- اول شي رح احكي السر عدم تكسر الكوسا اثناء التقوير بتجيبي طنجرة وفيها ماء عم تغلي بتحطي فيها الكوسا والباذنجان بعد ما نشيل رأس الكوسا ورأس الباذنجان وبغطيها وبخليها ربع ساعة بعدين بشيلن من الماء
- بلاحظ الكوسا والباذنجان صار تمن طري بيتقور معنا بكل سهولة
- بقور الكوسا والباذنجان منيح وبخلين عجنب
- ورح احكي سر لف الملفوف بكل سهولة بتشيلي رأس الملفوف وبتحطيها بلفريزا ساعتين تلاتي بعدين بتلاحظي الملفوف صار معنا طري بيتفكك معنا بمنتهى السهولة
- بنقع الرز ربع ساعة لا نص ساعة بعدين بصفيه من المي وبضيف عليه اللحمة والملح والفلفل الاسود وملعقة كبيرة دبس بندورة وملعقتين كبار سمنة وملعقة كبيرة زيت وبخلطن مع بعض منيح
- بحشي الكوسا والباذنجان والملفوف بلحشوة وبصفتن بلطنجرة وبحط دهنة وعظم
- بعصر البندورة بالخلاط او بمحضرة الطعام وبضيفا عل المحشي
- بضيف ملح ونعناع يابس وملعقتين كبار دبس بندورة وبعلي النار بس يبلش يغلي بهدي النار وبحط علين تقل
- بخلي المحشي عنار هادي ساعتين لايستوا وان نقصت معنا المرقة نزود ماء
- بسكب مرقة المحشي بيصحن وبسكب الكوسا والباذجان والملفوف بصحن وبقدم المحشي اللذيذ
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد