→ كل الوصفات
عندنا في البلد لازم كل يوم خميس محشي
المقادير
- 1.5 كيلو كوسة
- 1 كيلو باذنجان
- 3 حبات فلفل أخضر
- 1/2 كيلو طماطم
- 1/2 كيلو رز
- 2 بصلة مقطعة قطع صغيرة
- 1/4 كوب زيت او سمن للتقلية
- 3 حزمة بقدونس مقطعة رفيع جدا
- ملح
- فلفل اسود
- كمون
- 1 شطة خضرا حارة وده حسب الذوق
- ويا سلام عليه بقى لو قطعتي كام ورقة نعناع أخضر مع الخضار
طريقة التحضير
- في حلة على النار هنحط الزيت او السمن وعليهم البصل ونقلبهم لما البصل يدبل بس مش يصفر وبعدين هنحط الطماطم عليه والملح والكمون والفلفل الاسود ونخليهم يغلوا وبعدين نسيبهم على نار هادئة يتسبكوا كويس يكون انتي قورتي الكوسة والباذنجان والفلفل
- ولما يتسبكوا كويس هنقلب عليهم الرز اللي غسلته ونقلبهم مع بعض كويس جدا وبعدين نطفي النار ونقلب عليه البقدونس
- واكيد هتكوني غسلتي الكوسة والباذنجان وبعدين تحشيهم لحد نصهم ومش هتضغطي عليهم اوي علشان الرز يستوي كويس وبعدين تحطي عليه الشوربة اللي عندك لنص الكوسة وتغطي وتخليها على نار عالية وتغلي كويس وبعدين على نار متوسطة ولما هيتشرب ويستوي هتطفي عليه
- وبالف هنا وشفا😘😗
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد