→ كل الوصفات

محشي لايت من غير رز لزوم الدايت 🙈

#التحدي_الالماسي

  • كيلو خضار المحشي اللي تحبوا تحشوه (كوسا _ فلفل _بتنجان _كرنب)
  • خلطة المحشي الكمية حسب عدد الأفراد :
  • كوبين عدس بجبة مسلوقين في ماء ومكعب مرقة او ملح وكمون ومتصفي
  • 2 بطاطس مبشورة
  • 2 جزر مبشورين
  • 2 طماطم عصير
  • 1 بصل مفروم ناعم
  • 1 فلفل أخضر حار وبارد مفروم
  • كوب خضرة مشكلة مفرومة ناعم (كزبرة وشبت وبقدونس)
  • 1 بصل اخضر حلقات
  • فصين ثوم مفروم
  • 2 كوب مرقة فراخ مظبوطة الملح بتاعها
  • معلقتين كبار مليانين صلصة طماطم
  • كزبرة ناشفة
  • رشة ملح
  • فلفل
  • كمون ك
  • شطة
  • نعناع
  • توابل اللي بتفضلوها
  1. بجهز الخضار اللي هحشيه المتقور احفره وانقعه في ماء وملح والكرب بسلقه واقطعه
  2. بجهز الخلطة اللايت بدعك البصل المفروم بجزء بسيط من التوابل واحطه في حلة وعليه عصير الطماطم المضروب في الخلاط مع قرنين الفلفل والثوم واسيبهم يتسبكوا كويس جداً
  3. لما يتسبك يهدأ شوية واضيف الخضرة وباقي التوابل والعدس بجبة وهو بديل الرز ومعاهم خليط البصل الأخضر وفصين الثوم والكزبرة الناشفة بكون دعكاهم كويس جداً وبضيفهم نيين والجزر والبطاطس المبشورين بيدي المحشي طعم حلو اوي وممكن تستغني عن اي مكون حسب راحتك
  4. بظبط الملح والتوابل كويس وأبدأ احشي كل نوع وارصهم في حلة
  5. بجهز المرقة وادوب فيها الصلصة ورشة نعناع وتكون مغلية واسقي المحشي بس خلي بالك مش بسقيه كتير يادوب حاجة بسيطة لانه الخضار هينزل ميته وكمان يعتبر كل حاجة مستوية
  6. أو ممكن ادخله الفرن في صينية مع كبشة او اتنين شوربة واغطيه بفويل لحد مايستوي واكشفه يتحمر واقدمه وبألف هنا وشفا 🙂
  7. هو خفيف جداً جداً ومشبع كمان وكله مكونات صحية
عجبتك الوصفة؟
شوف كل وصفاتنا في مكان واحد
كل الوصفات →