→ كل الوصفات
طريقة عمل محشي مشكل بطريقتي الخاصة في البيت بخطوات سهلة. المقادير: كيلو ونص باذنجان ابيض، 0.5 كيلو باذنجان اسمر، كيلو كوسا، كيلو فلفل رومي على حامي وغيرها.
المقادير
- كيلو ونص باذنجان ابيض
- 0.5 كيلو باذنجان اسمر
- كيلو كوسا
- كيلو فلفل رومي على حامي
- 1 كيلو عصير طماطم
- 0.5 كيلو طماطم مبشوره
- كيس رز و كوب مع الكيس
- شبت و بقدونس و كزبره
- 5 بصلات كبيرة
- 0.25 كيلو جزر نصو مبشور
- نعناع
- ملح و فلفل وكمون
- كزبرة ناشفه و شطه
طريقة التحضير
- بسم الله ،، اول حاجه هناور الباذنجان والكوسه و ننظف الفلفل و وبعدين نجيب الحله فيها الزيت وبعدين البصل يذبل بس وبعدين ضيفي الطماطم المبشوره والعصير الطماطم و الملح بس سبيها لي حد ما تتسبك وبعدين ضيفي باقي البهارات
- نغسل الرز كويس وصفي اوي وبعدين ضيفي على الصلصة و الخضرا و الجزر مبشور والنعناع
- نجيب الحله اللي هنحشي فيها حطي في الحله من تحت طماطم شرائح وبصله شرائح و جزر شرائح نحشي الباذنجان و كوسا و فلفل الرومي و الحار في الحله
- حطي الحله على النار وحطي نص كوب من الشوربه الفراخ أو لحمة متخافيش من النص كوب لأن الطماطم والبصل والجزر بينزلو ماء تغلي خففي عليها النار اول متلقي الون الفلفل اتغير والرز استوا اقفلي عليه النار وبالف هنا)) على فكره الجزر المبشور هيغير طعم المحشي تماما هيبقا تحفه 👍 والطماطم والبصل والجزر الى في الحله من تحت بردو بيخالو طعم المحشي روعه ومش هيلزق ولا يتحرق منك من تحت 👌🌹
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد