→ كل الوصفات

محشي مشكل

#مطبخ - هند

  • 2 كيلو باذنجان أبيض
  • ½ كيلو باذنجان أسود
  • كيلو كوسة
  • ¼ كيلو فلفل رومي
  • ربطة بقدونس و كزبرة و شبت
  • كيلو و نص طماطم
  • 4 بصلات متقطعين ناعم
  • حبة زيت ذرة
  • ملح وفلفل أسمر حسب الرغبة
  • م ص كمون
  • نعناع حسب الرغبة
  • قرن فلفل أحمر
  • ½ راس ثوم مفروم
  • كيلو أرز
  • شوربة للتسوية
  1. حطي الزيت على البصل في حلة و حطيه على النار يحمر و معاه الثوم
  2. اضربي الطماطم مع الفلفل الأحمر و انزلي بيهم على البصل بعد ما يحمر و سيبيهم يتسبكوا
  3. قوري الباذنجان و الكوسة و الفلفل واغسليهم
  4. اغسلي الخضرة و قطعيها ناعم وأغسلي الأرز و صفيه
  5. حطي كله على بعضه و عليهم البهارات و قلبي كويس
  6. احشي الخضار بالخلطة و رصي في حلة و اسقي بالشوربة
  7. خلي بالك و انت بتسقي المحشى تكون الشوربة مش واصلة لقمة المحشي في نصه كده
  8. سيبيه يستوي و بالهنا والشفا
عجبتك الوصفة؟
شوف كل وصفاتنا في مكان واحد
كل الوصفات →