→ كل الوصفات
في الوقت اللي العالم بيقدم المحشي فيه كمقبلات ، احنا بقي بالصلي علي النبي بنقدمه كأساسيات 😃
المقادير
- ¼ كيلو ورق عنب
- كيلو باذنجان
- فلفل رومي علي قد باقي الخلطة
- 5 كوب ارز
- 3 طماطم كبيرة مبشورة
- 3 بصلة متوسطة مبشورة
- 1 او 2 م ك ثوم مفروم
- 4 م ك صلصة
- خضرة محشي مفرومة (بقدونس ، شبت ، كزبرة ،نعناع) الكمية حسب الرغبة
- 6 م ص ملح
- 3 مكعب ماجي مذاب في ربع كوب ماء ساخن
- م ك من (بهار فراخ ، فلفل ، كمون ، بودرة ثوم علي بصل)
- م ك بابريكا مدخنة (اختياري)
- 3 م ك سمنة
- شرايح (بصل ، طماطم)
- شرايح ليمون (لورق العنب)
- شوربة اي نوع (لحمة ، فراخ ، بط ، حمام ، ارانب)
طريقة التحضير
- اولا اجهز الخضار : ١/ورق العنب اشيله منه العنقود واحتفظي بالعناقيد ، وبعدين اغسله وابدا اسلقه في ماء ساخن مضاف ليه (م ص ملح ، ٢ م ك زيت) ويادوبك لونه يتغير واشيله واسيبه يتصفي في مصفاة ، ٢/اطري الباذنجان بايدي واقوره وانقعه في ماء عشان ميسودش ، ٣/اقطع الفلفل بالسكينة من فوق (اكني بعمل غطاء للفلفل) زي الصورة كدة ، وانضفه من البذور تحت الماء وبس كدة ،
- ثانيا الخلطة : في بولة كبيرة اخلط كل مكونات الخلطة السابقة مع بعض كويس ،
- ثالثا اجهز أرضية المحشي : ١/ "ورق العنب" في حلة افرش الأرضية السابقة وازود شرايح ليمون وخوديزحبة من عناقيد ورق العنب ولفيه في ورقة محشي وحطيها في الارضية (بيدي مزازة رهيبة) ، ٢/الباذنجان والفلفل كل واحد في صينية وافرش فيها أرضية المحشي ،
- رابعا الحشو : ابدا احشي المحاشي المشكلة السابقة وخلي بالك في الباذنجان والفلفل متحشيهاش لحد الاخر يعني سيبي مسافة شوية عشان اثناء السوي الارز هيعلي ،
- خامسا التسقية : ١/"ورق العنب" اضع طبق او غطاء حلة أصغر من حجم الحلة علي ورق العنب واضغط عليه ، وانزل مقدار الشوربة لحد لما توصل لحواف الطبق ، وبعدين حطي غطاء الحلة عادي ، وبعدين حطيه علي النار لحد لما يشرب مايته وهدي النار خالص لحد تمام السوي ،
- ٢/ الباذنجان والفلفل ارصهم في الصواني واحط ثلاثة ارباع الصينية شوربة واغطي الصواني واسيبها لحد لما يستوي حتي لو مشربش شوربته بس حساه بدا يستوي وطي النار خالص وانتي لسة مغطياه وسبيه لحد لما يستوي كله تمام ، ٣/ خطوة اختيارية انا بعملها بدخلهم بعد كدة الفرن تحت الشواية ياخد لون وبس كدة ،
- 🔴 ملحوظة : ١/لو عاوزة المحشي الحدق بتاعه يطلع مظبوط ، ملحي الشوربة زيادة شوية ، ٢/متحطيش انواع المحشي مع بعض ، خلي كل نوع لوحده كدة بيبقي اطعم واحلي ، ٣/ فيه ناس بتقلي الباذنجان والفلفل قبل الحشو بس هنا انا استخدمته ني في ني ، ٤/ في ناس ممكن تسبك البصل والطماطم والصلصة معوالتوابل والماجي والملح الأول وبعدين تضيفهم علي الارز والخضرة ، بس انا هنا برده حطيت كله ني في ني ، ٥/ لو عاوزة المحشي حار زودي (فلفل او شطة) او فلفل حار مفروم
- قدمي المحشي سخن او ساقع هيتاكل هيتاكل والله 😃 وبالف الف هنا 🙂 وسلامي للهيلثاوية 😉
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد