→ كل الوصفات
فكرة وضع الملفوف بلفريزا ليلة كاملة اسهل بكتير من طريقة السلق طبقت الفكرة وعجبتني بتخلي الملفوف يفك من الثلج وبتششلي ورقا ورقا وبتلفيها
المقادير
- 1 ملفوفة كبيرة
- 2 كوب كبير رز قصير الحبة منقوع نص ساعة
- 0.5 كيلو لحمة ناعمة
- ملعقة صغيرة ملح
- ملعقة صغيرة فلفل اسود
- ملعقتين كبار سمنة
- ملعقتين كبار زيت
- 5 ملاعق طعام كبيرة دبس بندورة
- ملعقتين كبار نعناع يابس
- ملعقتين كبار دبس رمان
- رأسين ثوم كامل
- ملعقة كبيرة ملح ليمون
- 0.5 كوب دهنة شقف
- 0.5 كيلو لحمة عصاعيص (لحمة مع العظم)
طريقة التحضير
- اول شي بغلف الملفوف وبخليها بلفريزر ليلة كاملة لتجمد معنا بعدين بطلعا من الفجر لا تفك الثلج عنا بلاقيها لحالا فك الاوراق عن بعضن وبعد ما طلع شي 5 اوراق بلسكين بحاول شيل عقب الملفوف عشان باقي الاوراق نطلع معنا بكل سهولة
- بنقع الرز نص ساعة بعدين بصفية وبضيف عليه ملح وفلفل اسود واللحمة الناعمة وملعقة كبيرة نعناع يابس وملعقة كبيرة دبس بندورة والسمنة والزيت بخلطن منيح
- بقص كل ورقة ملفوف بلنص وبشيل العقب الموجود على الملفوف وباخد قدر ملعقة صغيرة من الحشوة وبحشي الملفوف وبحاول لفها مع الضغط عليها عشان ماتفتح معنا
- برتب بأرض الطنجرة الدهنة واللحمة مع العظم وبرتب الملفوف جنب بعض
- بضيف ماء وملح ورأسين الثوم والنعناع ودبس البندورة وحط تقل على المحشي
- بعد مرور ساعة او ساعتين بضيف دبس الرمان والملح الليمون يعني اخر شي بس يقرب يستوي
- بسكب المحشي ملفوف وبسكب المرقة وبقدم المحشي سخن وصحتين
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد