→ كل الوصفات

محشي ملفوف ويبرق

أكلة جداتنا وأمهاتنا وأكلة الكبير والصغير😋😋😋

  • 3 كاسات رز
  • راس ملفوف أو كيلو كوسا وبانجان
  • كيلو ورق عنب تقريباً
  • ثوم كمية كبيرررررة
  • 4 ملاعق دبس بندورة تقريباً
  • نعناع وفليفلة حمرا ناعمة
  • فلفل أسود
  • كمون ورشة سبع بهارات
  • زيت نباتي أو زيتون كمية وفيرة
  • وملعقة سمنة حيواني حسب الرغبة
  • وطبعاً ملح
  1. منغسل الرز منيح ومنضيف عليه تقريباً راسين ثوم مهروسين مع تقريباً 4 ملاعق دبس بندورة والنعناع والكمون والفلفل الأسود ورشة السبع بهارات والزيت والسمنة
  2. منحشي الكوسا والبانجان أو ورق العنب أو الملفوف
  3. منحطهن بالطنجرة ومنضيف عليهن الماء ومامننسى تتقيلة يعني نحط شي تقيل فوق المحاشي منشان مايطوفو على السطح وبس تغلي الماء منخفف الغاز ومنتركن على نار هادية كتيرررر ساعات وساعات وعالدوق منتركهن
عجبتك الوصفة؟
شوف كل وصفاتنا في مكان واحد
كل الوصفات →