→ كل الوصفات

محشي ملفوف (يالنجي بالزيت)

محشي ملفوف (يالنجي بالزيت) واسرع طريقة لفصل اوراق الملفوف عن بعضها كتير كتير طعمتن طيبة

  • رأس ملفوف, حجم كبير
  • 2 كوب رز, قصير الحبة, منقوع 1/2 ساعة
  • 5 حبات بندورة, حجم وسط, مفرومة ناعم
  • 4 قرن فلفل اخضر, حار, مفروم ناعم
  • باقة بقدونس, مفروم ناعم
  • باقة نعناع, مفروم ناعم
  • 1 بصلة, كبيرة, مفرومة ناعم
  • 1/2 كوب زيت زيتون
  • عصير ليمونتين
  • ملعقة كبيرة معرمة دبس بندورة
  • م م معرمة دبس فليفلة
  • م ص ملح
  • ملعقة صغيرة ملح ليمون
  • م ك كمون
  • ليتر ماء, كافي لغمر الملفوف وسلقو ربع ساعة
  • م ك ملح, لسلق الملفوف
  • للمرق
  • 3 كوب ماء, كافي لغمر الملفوف
  • 1/2 كوب زيت زيتون
  • ملعقة كبيرة معرمة دبس بندورة
  • م ص ملح
  • 2 حبة كبيرة بطاطا, مقطعا شرائح, لأرض الطنجرة
  1. اسهل طريقة لفك ورق الملفوف عن بعض, اول شي بشيل الراس طبعاً. بعدين بقصا للملفوفة بالنص بلاقيها تفككت لحالا, بكل سهولة
  2. بكون حاطا ماء على النار. لتغلي, بضيف معا ملح وكمون وبسلقن شوي بمنتهى السهولة. وبصفين على مصفاية
  3. بقلاية عميقة, بضيف الزيت الزيتون على النار, بقلب البصلة. لتدبل, بضيف البندورة والفلفل الحار وبقلب. لتدبل البندورة, بضيف ملح وملح ليمون وعصير ليمون ودبس بندورة ودبس فليفلة وبقلب
  4. بضيف البقدونس والنعناع والرز المنقوع والمصفى. وبقلبن تقليبتين, بطفي النار
  5. بذوب دبس البندورة مع الملح والزيت وبضيفا على الملفوف. وبضيف مقدار ماء تغمرن. وبحطلن ثقل. وعلى النار عالية
  6. لتغلي الماء, بهدي النار. وبخليه ساعة لساعتين
  7. بستنى للحشوة تبرد وللملفوف خلص من السلق. بأخذ ورقة وبقصا بالنص. وبحط مقدار من الحشوة وبلفها. وبرصها كتير منيح, عشان ماتفتح معنا وقت الطبخ
  8. برتب البطاطا بقعر الطنجرة وبرتب الملفوف. وممكن ربطن عشان مايفكو معنا وقت الطبخ
عجبتك الوصفة؟
شوف كل وصفاتنا في مكان واحد
كل الوصفات →