→ كل الوصفات

محشي ملفوف

طريقة عمل محشي ملفوف سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.

  • ملفوف (لكل وحدة كبيرة المقادير التالية)
  • رأس ثوم مقشر
  • كاستين أرز مصري (حبة قصيرة)
  • 0.5 كيلو لحم مفروم
  • فنجان زيت نباتي
  • ملح حسب الرغبة
  • رشة كاري
  • رشة عصفر
  • رشة سبع بهارات
  • كمون حب
  • ليمون حامض معصور
  • للتقلاية رأس ثوم مهروس ونعنع يابس وسمنة
  • دبس الرمان
  1. اول شي بتسلقي وراق الملفوف بس شوي لا تخليه يطرى كتير عشان لا يتهري بالطبخ
  2. بس يبرد الورق شوي بلشي شيلي الاضلع وبتقطعي الورق مربعات بس خلي الاضل باسفل الطنجرة حتى لا يلزق الملفوف
  3. للحشوة : الرز واللحمة والبهارات والزيت
  4. لكل ورقة بتحطي تقريبا معلقة صغيرة حشوة حسب حجم الورقة وبلشي لفي
  5. صفي الورق الملفوف مباشرة في طنجرة الطبخ ولا تتركي فراغات بيناتهن ابدا
  6. وزعي الثوم المقشر بين الملفوفات
  7. حطي مي لتغمر الورق وشوي زيادة
  8. حطي صحن فوق الورق واكبسي بتقل
  9. بس تغلي المي خففي النار قد ما بتقدري واتركيه تقريبا ساعة او ساعة ونص علنار
  10. بعدين ضيفي الحامض المعصور والملح على المرق
  11. قلي النعنع اليابس والثوم المهروس بالسمنة وسكبيهن فرق الطنجرة
  12. تركيهن يغلو عشر دقايق وسكري النار
  13. فضي المرقة على جنب وبعدين اقلببي الطنجرة على على صينية متل ما بتقلبي قالب الكيك
  14. وزعي الورق على طبق التقديم واسكبي عليهن دبس الرمان وخلي المرق على جنب
  15. وصحة وهنا
عجبتك الوصفة؟
شوف كل وصفاتنا في مكان واحد
كل الوصفات →