→ كل الوصفات
#ضيوف_رمضان
المقادير
- 0.5 كيلو ممبار
- 0.5 كيلو كبده
- 0.5 كيلو رز مصري
- 0.5 كيلو بصل
- 0.25 كيلو طماطم🍅
- خضره مشكله
- قرفة
- كمون
- كزبرة ناشفه
- فلفل اسود
- بابريكا
- 2 ملعقة صلصة
- فصين ثوم مهروسين
طريقة التحضير
- الصراحه الصراحه الممبار دا من عند ماما طبعاً هنضف الممبار كويس جداً ونقلبه على ضهره وبضهر السكينه ننزل كل حاجه مش لطيفه وبعدين نشطفه وننقعه في ملح وخل وادعكهم في بعض كويس جداً وبعدين اشطفه
- الحشو هاخد كميه البصل كلها واحطهم في الكبه نص ضربه وبعدين اشيله واحط الطماطم بردو نص ضربه واحضر البوله واحط فيها البصل وعليهم القرفه وادعكهم مع بعض كويس جداً وبعدين اضيف الطماطم و الصلصة وباقي التوابل والخضره والرز واقلبهم كويس واجيب الممبار وهو ماشاء الله فاتح بقه لوحده واحشى ومملهوش اوي عشان ميفرقعش في السلق
- وبعدين احضر ماء فيها حبهان وورق لورا وبصله سليمه وجزره وملح ولما تغلى احط الممبار واخد بالى من السوا عشان مايبقاش نى من جوه والجلد التحمير هو ال بيسوى
- الكبده عشان تبقى طريه وچوسى من جوه حلوه چوسى دى.. هحضر طاسه واحط فيها ملعقة سمنه كبيره واسخنها كويس جداً واانزل بالكبده على طول هيغير لونها بعدين اضيف فصين الثوم المهروسين واقلب لما ريحتهم تطلع اضيف الفلفل الاسود ورشه كمون والملح وتقليبه كمان واطفى النار هطلع معاكى تحفه
- هنحمر الممبار حبه تديلو فرشه سمنه وتحطى في الفرن براحتك حبه تحمرى في الزيت ويفرقع في وشك بردو براحتك... انا بحمره في الزيت وبيفرقع في وشى عادي يعنى 😫😩. وبالهنا ياقمر
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد