→ كل الوصفات

محشي ورق العنب للمبتدئين 💪✋

من اول سلق الورق للتقديم

  • 1/4 كيلو ورق عنب
  • كيلو بصل
  • كيلو طماطم
  • 1/2 كيلو رز
  • 3 باقات خضره المحشي شبت كزبره وبقدونس
  • 3 معالق كبار زبده
  • ملح حسب الرغبه
  • معلقه صغيره فلفل اسود
  • معلقه صغيره كزبره جافه
  • معلقه صغيره كمون
  • 1/2 معلقه صغيره حبهان
  • عصير لمونه
  • شوربه حسب الاحتياج
  1. اولا هنسلق ورق العنب متفرز عندي من غير سلق بالشكل ده هطلعه من الكيس وهغلي ميه
  2. هحطه فبوله وهنزل عليه بالميه المغليه وهقلبه على وشه وهخليه حوالي خمس دقايق مع التقليب
  3. هصفي الميه واضيف له ميه بارده لوقف عمليه التسويه واصفيه وكده بقى جاهز للحشو
  4. هنحضر الحشو :هنقشر البصل والطماطم ونقطعهم عالنار هنضيف طاسه كبيره أو حله هنضيف فيها الزبده تسخن
  5. هنزل فيها بالبصل واقلبه حوالي خمس دقايق لما يصفر ويدبل خالص
  6. هضيف الطماطم واقلبهم مع بعض كويس واهدي النار عليهم واخليها تتسبك بالشكل ده
  7. هنضيف التوابل وقلبها كويس جدا مع بعضها كلها هقفل عليها واخليها تهدي
  8. هنغسل الأرز واخليه يتصفي حلو جدا من الميه واضيفه على الخلطه مع الخضره بعد تقطيعها هنقلبهم كويس مع بعض واظبط الملح
  9. على صينيه هفرد ورقه والوش الخشن هيكون من فوق هضيف معلقه صغيره من الحشو واطبق طرف الورقه
  10. بعدين هطبق الجانبين والفها لما يتقفل الرول كله ويبقى صباع مقفول بالشكل ده
  11. حله التسويه هقطع فيها بصله من تحت وعليها هفرد كام ورقه من ورق العنب وابدأ ارصه
  12. بالشكل ده الطبقه الأولى لانتهاء الكميه وتكون الحله مناسبه وتكفي انه هيزيد بعد التسويه هضيف عليه عصير الليمون
  13. واسقيه شوربه سخنه يادوب تغطيه واغطيه بالغطا واخليه على نار متوسطه يادوب يتشرب ههدي النار واخليه يكمل تسويه
  14. كدا اتشرب واستوي سيبته خمس دقايق بعد ماقفلت النار شيلت البتنجان وقلبته ورصيته عالوش ويتقدم سخن بالهنا 💪✋
  15. انا فاض مني شويه حشو حشيت بيهم كام واحده بتنجان
عجبتك الوصفة؟
شوف كل وصفاتنا في مكان واحد
كل الوصفات →