→ كل الوصفات
طريقة عمل محشي ورق العنب سهلة ولذيذة. اكتشفوا الوصفة الاصلية المضبوطة بالخطوات مع مكونات بسيطة وطريقة تحضير سهلة وسريعة.
المقادير
- 1/2 كيلو ورق عنب
- 3 كوب رز ابيض
- كيلو طماطم
- معلقة صلصة طماطم
- 2 حبات بصل كبيرة
- 1 شبت
- 1 بقدونس
- 1 كزبرة
- ملح وفلفل اسود حسب الرغبة
- كمون
- زنجبيل
- م ص كزبرة ناشفة
- رشة جوزه الطيب
- رشة حبهان مطحون
- ورق لورا مطحون
- شطة
طريقة التحضير
- هنسبك الطماطم على النار، في حلة فيها زيت وننزل عليها بطماطم معصورة ومعلقة صلصة ونسيبها لحد ما تتسبك
- هنضرب ٢ بصلة كبيرة في الكبة
- هنغسل الرز ونصفيه كويس
- هنقطع الخضره وناخد واحدة بقدونس وواحد كزبرة وواحد شبت
- هنضيف البهارات (ملح وفلفل وكمون وزنجبيل وكزبره ناشفة وجوزه الطيب وشطه وحبهان وورق لورا) على البصل وندعكه كويس ونضيف ليهم الخضره والرز ونحطهم على الطماطم المتسبكه ونقلب كويس ونحشي ورق العنب
- في حله هنرص عيدان ورق العنب في الارضيه ونقطع فلفل اخضر حامي او بصل دوائر وطماطم ونرص ورق العنب عليه ونسقيه شوربة وعليهم معلقتين صلصة ورشه فلفل اسمر ونظبط الملح بتاعه ونضيف عصرة ليمونة وتترك على النار تأخذ غلوة. نخفف النار خالص على الهادي لحد ما تشرب الشوربة ويقدم بالف هنا 😍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد