→ كل الوصفات
#يوميات_رمضان
المقادير
- ½ كيلو ورق عنب
- ½ كيلو بصل
- كيلو طماطم
- ملح وفلفل حسب التذوق
- معلقه صغيره كمون
- 3 بوكيه خضره مشكله كزبره وشبت وبقدونس
- ½ كيلو رز
- ½ كيلو لحمه مفروم
- كوبيتين شوربه
- لمونه
- معلقتين كبار سمن
طريقة التحضير
- حله عالنار هنضيف فيها السمنه والبصل ونشوحهم كويس اوي مع بعض لما تذبل هننزل باللحمه المفرومه والفلفل الأسود وبعدين تتشوح كويس هننزل بعصير الطماطم ونهدي النار ونسيبها تتسبك كويس
- على ماتتسبك هنسلق ورق العنب فحله عالنار هنغلي ميه هننزل فيها ورق العنب دقيقه يادوب يغير اللون وبس هنرفعه ونسيبه فطبق يبرد ونرصه على بعضه بعد مايبرد لسهوله الحشو ونشيل منه العود قبل الرص ونسيبه على جمب لما نكمل باقي الخلطه
- هنغسل الخضره ونصفيها كويس اوي ونقطعها صغير ونضيفها على الصلصه ونغسل الأرز ونصفيه كويس جدا وننزل بيه على الصلصه ونظبط الملح والفلفل والكمون وهنقلب الخلطه حلو جدا مع بعضهم
- هنجيب حله تكفي للكميه ونرص فيها من تحت شرايح اللمون وشرايح طماطم ونلف ورق العنب على الوش الخشن ونرصه جمب بعضه ويكون مفيش عليه رز من برا عشان ميعجنش هنسقيه شوربه وتكون مظبوطه التوابل والملح كميه مناسبه لنص الحله ونغطيه ونحطه عالنار متوسطه يغلي ويبدأ يتشرب الشوربه هنهدي عليه النار ونسيبه يكمل تسويه ويتقدم مع سلطه الزبادي بالليمون وبالهنا 💪👍
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد