→ كل الوصفات

محشي ورق عنب وفرخه بلدي

#رمضان احلى باللمه

  • فرخه بلدي او على حسب ما تحبي
  • كيلو ورق عنب مسلوق من التفريزات او جاهز
  • صلصة طماطم
  • عصرة ليمونه
  • ارز مصري على حسب الكميه اللي انتي محتجاها
  • ورق لوري
  • حبهان
  • مستكه
  • ملح وفلفل أسود حسب الرغبة
  • كزبره ناشفه
  • شطه
  • كمون
  • معلقه صغيره قرفة
  • ½ ربطة نعناع
  • ربطة كزبره خضره وشبت
  • حبة طماطم
  • حبتين بصل متوسطين مبشورين
  • حبة بصله مقطعة نصفين
  1. اول حاجه نجيب حله ونحط فيها الفرخه مع الطماطم والبصل وورق اللوري والحبهان والمستكه ونشوح الفرخه كويس لحد ما تأخذ لون وبعد كدا نغطي الفرخه ماء ونحط نص م سكر ونسبها تستوي اوعي تحط ملح غير لما تحسي انها خلاص دخلت في السوي
  2. نجيب حله تانيه ونحط زيت فيها وبعدين ننزل بالبصل المبشور ونقلب لحد ما البصل يحمر بعد كدا ننزل بالطماطم ونديها غلوتين وبعدين نحط التوابل كلها ونسبها تتسبك بعد ما تتسبك نحط الرز ونقلب كويس ونقطع الخضرا كويس تبقي ناعمه ونحطها ونقلب كويس وبعدين نطفي النار ونبدأ الحشو وقبل ما تحشي في الحله حطي الاول دوائر بطاطس وطماطم وبصل بتدي طعم حلو وكمان حمايه المحشي ميتحرقش او ميلزقش
  3. لما تيجي تحطي المحشي على النار بقى يا ست الكل الشوربه اللي طلعت م الفرخه هنحط منها على المحشي بس قبل ما تحطي اتاكدي ان الشوربه مش مايعه وغطي المحشي بالشوربه قيسي اول عقله من صابعك وبعد كدا غطيها وسبيه وبعد ما الشوربه تنشف لو حسيتي انه محتاج كملن شوربه زودي ولما المحشي ينشف م الشوربه خففي النار خالص تبقي شمعه كدا وبعد ما يستوي اقفلي وبالنسبه للفرخه بعد ما تستوي خالص دخليها تحت الشوايه تتحمر وبالهنا بتمني تعجبكم اول مره انزل طبخ هنا
عجبتك الوصفة؟
شوف كل وصفاتنا في مكان واحد
كل الوصفات →