→ كل الوصفات
#احنا_المصرين
المقادير
- 0.5 كيلو ورق عنب مسلوق
- 3.5 كوب أرز مصري مغسول ومتصفي كويس
- حزمه من البقدونس والكزبره الخضرا والشبت (مقطع الورق بس)
- بهارات محشي او (7بهارات)
- رشه نعناع ناشيف (اختياري)
- شطه حسب الرغبه
- ملح فلفل اسود
- بصل متقطع صغير
- 2 فص ثوم
- عصير طماطم
- ملعقه كبيره صلصه طماطم
- شرايح ليمون حامض
- مرقه للتسويه
طريقة التحضير
- نسلق ورق العنب في ماء مغلي لمده دقتين ونشيل منه العيدان ونحطه على جنب
- نحضر الخلطه بقه نجيب حله على النار نحط فيها ملعقة زيت ونشوح البصل وبعدها الثوم بعد كده ننزل بعصير الطماطم وملعقه الصلصة ونحط عليه كل البهارات وملح وفلفل اسود ورشه الشطه
- اول ماتغلي مرتين ننزل بالرز ونقلب كويس ونطفي النار واخر حاجه نحط الخضرا كلها ورشه النعناع الناشف ونقلب
- يلا نحشي بقه في حله متوسطه نفرش فيها العيدان بتاعت ورق العنب ونلف ورق العنب كله بالحشوه الرز
- نكون محضرين المرقه وننزل بيها على ورق العنب لغايه الصف اللي قبل الأخير ونغطي واول مايتشرب نهدي النار عليه وبعدين اول مايدخل في السوي نحط شرايح الليمون الحامض وبالف هنا
عجبتك الوصفة؟
شوف كل وصفاتنا في مكان واحد
كل الوصفات →
شوف كل وصفاتنا في مكان واحد